شرجیل میمن قوم کی دولت کا حساب دیں، کرپٹ عناصر چوہدری نثار سے خوف زدہ ہیں: مریم اورنگزیب

شرجیل میمن قوم کی دولت کا حساب دیں، کرپٹ عناصر چوہدری نثار سے خوف زدہ ہیں: ...
شرجیل میمن قوم کی دولت کا حساب دیں، کرپٹ عناصر چوہدری نثار سے خوف زدہ ہیں: مریم اورنگزیب

  

اسلام آباد (ڈیلی پاکستان آن لائن)وزیر مملکت برائے اطلاعات مریم اورنگزیب نے کہا ہے کہ شرجیل میمن قوم کی لوٹی ہوئی دولت کاحساب دیں ۔ وہ اپنی چوری اورکرپشن چھپانے کیلئے شور مچا رہے ہیں چوہدری نثار پر پاکستانی قوم کا اعتماد ہے اس لئے وہ وزیر داخلہ ہیں۔ کرپٹ افراد چوہدری نثار سے خوف زدہ ہیں جبھی وہ ان کے خلاف گمراہ کن پروپیگنڈا کرتے ہیں ۔ چودھری نثارکی دیانت اورکردار پرسوال اٹھانے سے پہلے گریبان میں جھانکیں۔

الیکشن کا وقت قریب، میں میری بیٹیاں اور بیٹا تیار، ان کو پتہ چل جائے گا کہ الیکشن کہتے کسے ہیں: زرداری

اسلام آباد میں میڈیا سے گفتگو کرتے ہوئے وفاقی وزیر مملکت برائے اطلاعات مریم اورنگزیب کا کہنا تھا کہ شرجیل میمن لوگوں کی لوٹی ہوئی دولت کا جواب دیں وہ جتنا شورمچالیں، احتساب سے نہیں بچ سکتے، جواب تودیناہوگا۔ چودھری نثاروزیراعظم کے وژن کے مطابق پاکستان کودہشتگردی سے پاک کررہے ہیں۔ وزیر مملکت کا مزید کہنا تھا کہ چودھری نثار پر پاکستانی قوم نے اعتماد کرکے وزیرداخلہ بنایا ہے۔ کرپشن کرنے والے چودھری نثار سے خوفزدہ ہیں، شرجیل میمن صاحب قوم کوجواب دیں چوری اورکرپشن کیوں کی؟۔

مزید :

قومی -