پشاور،آئی جے تی کا سکولوں کی بندش کیخلاف انوکھا احتجاج
پشاور(سٹی رپورٹر)حکومت کی جانب سے تعلیمی اداروں کی بندش میں توسیع کے خلاف اسلامی جمعیت طلبہ پشاور یونیورسٹی نے نوکھا احتجاج کرتے ہوئے پیوٹاچوک میں کھلے آسمان ''کورونا فری احتجاجی کلاسز ''کاا نعقاد کیا گیا اور بورڈ اور کرسیاں رکھ کر باقائدہ کلاس جیسا ماحول بنا دیا جبکہ طلبہ کو کلاسز بھی دئے۔کلاسز میں اسلامی جمعیت طلبہ صوبہ خیبر ہختنوخوا کے ناظم کلیم اللہ سمیت بڑی تعداد میں طلبہ نے شرکت کی۔اس موقع پر تعلیمی اداروں میں طلبہ یونین کی اہمیت کے عنوان سے لیکچر کا بھی انعقاد کیا گیا۔اس موقع پر طلبہ سے خطاب کرتے ہوئے ناظم صوبہ کلیم اللہ نے کہا کہ تعلیمی اداروں کی بندش میں توسیع طلبہ کو کسی بھی صورت قابل قبول نہیں۔پورا ملک کھولا ہوا ہے لیکن تعلیمی ادارے نوگو ایریاز بن چکے ہیں۔حکومت ایک سوچے سمجھے منصوبہ کے تحت تعلیم کو تباہ کرنے پر تلی ہوئی ہے۔کورونا کی پہلی دو لہروں کی وجہ سے طلبہ کا ایک تعلیمی سال ضائع ہوچکا ہے طلبہ دوسرے تعلیمی سال ضائع ہونے کے متحمل نہیں ہوسکتے۔ناظم صوبہ نے اعلان کیا کہ کل صوبہ بھر کے ضلعی ہیڈکوارٹرز میں تعلیمی اداروں کی بندش میں توسیع کے خلاف احتجاجی مظاہرے ہونگے۔اس موقع پر ناظم جامعہ پشاور محمد اسفندیار نے خطاب کرتے ہوئے کہا کہ پورا ملک کھل گیا ہے لیکن تعلیمی ادارے بدستور بند ہے۔ایچ ای سی آن لائن نظام تعلیم پر زور دے رہی ہے لیکن ملک کے بیشتر حصوں میں انٹرنیٹ کی سہولت موجود نہیں۔طلبہ انٹرنیٹ کے مہنگے پیکجز خریدنے سے قاصر ہے۔انھوں نے مطالبہ کیا کہ فوری طور پر آن لائن کلاسز کو معطل کرکے آن کیمپس کلاسز کا آغاز کیا جائے۔اس موقع پر ایس او پیز کا خاص خیال رکھا گیا تھا تمام طلبہ نے ماسک پہنے ہوا تھا جبکہ سینیٹائزر کا بھی اہتمام ہوا تھا۔طلبہ نے اس موقع پر ناکام حکومت اور شفقت ہمیں پڑھنے دو کے نعرے لگائیں۔
