سوات میں پولیو انسداد مہم کیلئے مکمل کرلئے گئے 

پشاور(سٹاف رپورٹر)ضلع سوات میں 29 مارچ تا 2 اپریل 2021 پانچ روزہ قومی انسداد پولیو مہم کیلئے تمام انتظامات مکمل کر لئے گئے، مہم کے دوران 272216 گھرانوں میں موجود 494262 بچوں کو گھر گھر جاکر انسداد پولیو کے قطرے پلائے جائیں گے. 29 مارچ سے شروع ہونے والی انسداد پولیو مہم کے سلسلے میں ڈپٹی کمشنر سوات جنید خان کی زیرِ صدارت ایک اجلاس ڈپٹی کمشنر آفس میں منعقد ہوا جس میں ایڈیشنل ڈپٹی کمشنر جنرل حامد علی، تمام تحصیلوں کے اسسٹنٹ کمشنرز کے علاوہ ڈی ایچ اوسوات ڈاکٹر محمد سلیم خان،این سٹاپ آفیسر ڈاکٹر کفایت اللہ، تعلیم، صحت، پولیس اوردیگر متعلقہ محکموں کے افسران اور نمائندوں نے شرکت کی۔ اس موقع پر ڈی سی سوات کو مہم کے بارے میں تفصیلی بریفنگ دی گئی۔ اجلاس میں تمام انتظامی امور پر تفصیلی غور و غوض بھی کیا گیا اور ان کو حتمی شکل دی گئی۔ یہ قومی انسداد پولیو مہم ہے جو بیک وقت پورے ملک میں منعقد ہوگی۔ضلع سوات میں مہم کے لیے 385 ایریا انچارج اور 86 یونین کونسل میڈیکل آفیسرزکے زیرِ نگرانی  1763 ٹیمیں تشکیل دی جاچکی ہیں جو کہ مجموعی طور پر  494262 پچوں کو گھر گھر جاکرپولیو سے بچاؤ کی ویکسین پلائیں گی۔