عدالتی فیصلے سے حکومت کی سبکی ہوئی ہے‘ رفیق رجوانہ

 
ملتان (سپیشل رپورٹر)پنجاب کے بلدیاتی اداروں کی بحالی پر سابق گورنرپنجاب ملک رفیق رجوانہ نے اظہار خیال (بقیہ نمبر30صفحہ6پر)
کرتے ہوئے کہا ہے کہ سپریم کورٹ نے بلدیاتی اداروں کو بحال کرکے حکومت کے غیر قانونی اقدام کو کالعدم قرار دیاہے اور یہ حکومت کیلئے باعث شرمندگی ہے اور انکی سبکی ہوئی ہے انہوں نے کہا کہ حکومت کو ایسے اوچھے ہتھکنڈے عوام کے منتخب نمائندوں کیخلاف استعمال نہیں کرنے چاہئے انہوں نے کہا کہ ہم نے عدالت میں اپنی رٹ پٹیشن میں بھی یہی موقف اختیار کیا تھا کہ نیا بلدیاتی ایکٹ 2019ء غیر قانونی ہے اور اس کی شق 3کے تحت بلدیاتی ادارے ختم کرنا غیر قانونی اقدام ہے جس کی آج عدالت عالیہ نے تصدیق کر دی ہے اور تمام بحال ہونے والے منتخب نمائندوں کونسلرز، وائس چیئر مینز، چیئر مینز سے لے کر میئرز اور ضلعی چیئر مینوں کو مبارکباد پیش کرتے ہیں اس موقع پر ملک آصف رفیق رجوانہ ایڈووکیٹ نے کہا کہ پنجاب کے بلدیاتی اداروں کو 21 ماہ پہلے تحلیل کرنا غیر آئینی اقدام تھا بلدیاتی اداروں کی بحالی سے عوام کو سکھ کا سانس ملے گا اور عوام کے حقیقی نمائندوں کا مقصد عوام فلاح و بہبود کیلئے کام کرنا ہے تمام بحال ہونے والے بلدیاتی نمائندوں کو مبارکباد پیش کرتے ہیں۔
رفیق رجوانہ