کراچی ائیرپورٹ پر 8 سالہ بچہ آدھا گھنٹہ لفٹ میں پھنسا رہا، عملے نے بچا لیا

کراچی ائیرپورٹ پر 8 سالہ بچہ آدھا گھنٹہ لفٹ میں پھنسا رہا، عملے نے بچا لیا

  

  کراچی(آن لائن)ائیرپورٹ پر سول ایوی ایشن اتھارٹی کے عملے نے 8 سالہ بچے کو بڑے حادثے سے بچا لیا، بچہ آدھے گھنٹے تک لفٹ میں پھنسا رہا۔تفصیلات کے مطابق کراچی میں جناح ایئر پورٹ پر سول ایوی ایشن عملے نے بروقت کارروائی کرتے ہوئے لفٹ میں پھنسے آٹھ سال کے بچے کو حادثے سے بچا لیا۔کراچی ایئرپورٹ پر بچہ اپنی والدہ کے ہمراہ گراونڈ فلور سے فرسٹ فلور انٹرنیشنل ڈیپارچر لاونج آرہا تھا کہ لفٹ میں پھنس گیا تھا۔ذرائع کے مطابق بچے کی والدہ لفٹ سے باہر آگئیں تھی لیکن بچہ لفٹ کے پینل پر نصب بٹنوں سے کھیلنے لگا اور لفٹ کا دورازہ اچانک بند ہونے سے لفٹ درمیان میں پھنس گئی۔جس کی وجہ سے بچہ لفٹ میں آدھے گھنٹے تک پھنسا رہا، ڈیوٹی ٹرمینل منیجر نصرت اسحاق نے اطلاع پر لفٹ کو اسٹاپ کرواکر مینول طریقے سے دروازے کے ذریعے بچے کو باہرنکالا۔ایئرپورٹ ذرائع نے بتایا ہے کہ بچہ اور اس کی والدہ کراچی سے دبئی جا رہے تھے۔

 ائیرپورٹ

مزید :

صفحہ آخر -