وزیر اعظم نے پی ٹی آئی کی سیاسی کمیٹی کا اجلاس طلب کرلیا ، اہم فیصلے متوقع
اسلام آباد ( ڈیلی پاکستان آن لائن ) وزیر اعظم عمران خان نے پاکستان تحریک انصاف کی کور کمیٹی کا اجلاس آج طلب کرلیا ، اجلاس میں اہم فیصلے متوقع ہیں ۔
نجی ٹی وی دنیا نیوز کے مطابق وزیر اعظم عمران خان نے اجلاس آج دو پہر دو بجے بنی گالہ میں طلب کیا ہے ، اجلاس میں ملکی سیاسی صورتحال کا جائزہ لیا جائے گا۔ اپوزیشن کے لانگ مارچ ، تحریک عدم اعتماد سے متعلق بریفنگ کا بھی امکان ہے جبکہ پی ٹی آئی کے 27 مارچ کے جلسے کی تیاریاں پر بھی بریفنگ دی جائے گی ۔
نجی ٹی وی کے مطابق اجلاس میں اتحادیوں سے روابط پر بھی بریفنگ دی جائے گی ۔