گول کیپر نے طویل ترین فاصلے سے گول کرنے کا ریکارڈ بنالیا
بیونس آئرس (ویب ڈیسک) ارجنٹینا سے تعلق رکھنے والے گول کیپر نے ایک لیگ میچ میں ممکنہ طور پر طویل ترین فاصلے سے گول کرنے کا عالمی ریکارڈ قائم کر دیا ہے۔چلی کی لیگ ٹیم Cobresal میں شامل گول کیپر لینارڈو ریکویانا نے گزشتہ دنوں یہ ریکارڈ بنایا۔
جیو نیوز کے مطابق انہوں نے Colo-Colo نامی مخالف ٹیم کے خلاف میچ کے 77 ویں منٹ میں ایک گول کک ماری جو بظاہر عام سی تھی۔ مگر Colo-Colo کے گول کیپر برائن کورٹس اس وقت پنالٹی ایریا سے باہر کھڑے تھے اور بال اچھل کر ان کے سر کے اوپر سے گزر کر گول میں چلی گئی۔
⚽⚪???? El primer gol arco a arco del #CampeonatoBetsson
Así fue la anotación de Leandro Requena desde su propia puerta y que dejó a Brayan Cortés quieto, provocando el error del portero albo en el #CSLvsCCxTNTSports. pic.twitter.com/HDL2K22QnS
— TNT Sports Chile (@TNTSportsCL) March 18, 2023
مقامی میڈیا کے مطابق یہ گول 101 میٹر کے فاصلے سے کیا گیا تھا۔اس وقت گنیز ورلڈ ریکارڈز میں یہ ریکارڈ 96.01 میٹر سے کیے گئے گول کے نام ہے جو 2021 میں برطانیہ میں ایک کھلاڑی ٹام کنگ نے بنایا تھا۔
لینارڈو ریکویانا نے ایک انٹرویو کے دوران بتایا کہ انہوں نے کلب منیجر سے کہا ہے کہ گنیز ورلڈ ریکارڈز سے رابطہ کریں اور ابھی ہم یہ جاننا چاہتے ہیں کہ فاصلے کی تصدیق کیسے کی جائے۔انہوں نے بتایا کہ یہ سٹیڈیم سطح سمندر سے 24 سو میٹر بلند تھا اور ممکنہ طور پر ان کے گول میں اس نے اہم کردار ادا کیا۔
ان کا کہنا تھا کہ وہ گیند کو پیچھے کھڑے 2 کھلاڑیوں کو دینا چاہتے تھے مگر وہ مخالف گول کیپر کو پیچھے چھوڑ کو گول پوسٹ میں چلی گئی۔
