فیروز خان اور منیب بٹ کی صلح ہوگئی
کراچی (ڈیلی پاکستان آن لائن) اداکار فیروز خان اور منیب بٹ اور ان کے اہل خانہ کے درمیان نمبر لیک کرنے کے معاملے پر صلح ہوگئی۔ فریقین میں صلح کرانے میں اہم کردار صاحبزادہ سلطان نے ادا کیا۔
فیروز خان نے منیب بٹ اور صاحبزادہ سلطان کے ساتھ تصویر شیئر کرتے ہوئے لکھا "میرے اور منیب بٹ کی فیملی کے درمیان جو بھی معاملہ ہوا اس کو اپنے بڑوں کی رہنمائی سے ہم نے یہیں ختم کرنے کا فیصلہ کیا ہے اور آئندہ ایک فیملی کیطرح باہمی احترام و محبت کا تعلق قائم رکھیں گے۔"
اپنے آفیشل بیان میں فیروز خان نے اعتراف کیا کہ انہوں نے غلطی سے ہرجانے کے نوٹس کے ساتھ اداکاروں کے ذاتی نمبرز بھی شیئر کردیے تھے ، انہوں نے غلطی کا احساس ہونے کے بعد چند ہی منٹوں میں اپنی پوسٹ ڈیلیٹ کردی تھی۔ انہوں نے اپنے طرز عمل پر معذرت بھی کی۔
View this post on Instagram
دوسری جانب منیب بٹ نے اپنے اور اہل خانہ کی طرف سے جاری بیان میں کہا کہ انہوں نے فیروز خان کے خلاف کیس واپس لینے کا فیصلہ کیا ہے۔ ان کا اپنی سابق اہلیہ کے ساتھ مقدمہ عدالت میں زیر سماعت ہے ۔ یہ ان کا ذاتی معاملہ ہے اور تمام لوگوں کو ان کی پرائیویسی کا خیال کرتے ہوئے اس پرتبصرے سے گریز کرنا چاہیے۔
View this post on Instagram
خیال رہے کہ فیروز خان سے طلاق اور بچوں کی حوالگی کے کیس میں ان کی سابق اہلیہ سیدہ علیزے نے سابق شوہر پر تشدد کا الزام عائد کیا تھا جس کے بعد متعدد اداکاروں اور اداکاراؤں نے فیروز خان کے خلاف آواز اٹھائی تھی جس میں منیب بٹ اور ان کی اہلیہ ایمن خان بھی شامل ہیں۔ اس معاملے پر فیروز خان نے ہرجانے کا نوٹس جاری کیا تھا جس میں انہوں نے اداکاروں کے پرسنل نمبرز بھی شیئر کردیے تھے جس کی وجہ سے انہیں سخت پریشانی کا سامنا کرنا پڑا تھا۔
