گوجرانوالہ میں8 سال قبل لاپتہ ہونے والا ذہنی معذور بچہ والدین کو مل گیا
لاہور(ڈیلی پاکستان آن لائن) چائلڈ پروٹیکشن بیورو نے8 سال قبل لاپتہ ہونے والا ذہنی معذور بچہ والدین سے ملوادیا ۔
ایکسپریس نیوز کے مطابق 15 سالہ علی حسن 8سال قبل گھر سے نکلا اور گم ہوگیا ،جسے چائلڈ پروٹیکشن بیورو گوجرانوالہ نے اپنی کفالت میں لے لیا تھا۔
چند روز قبل وزیر اعلیٰ پنجاب محسن نقوی نےچائلڈپروٹیکشن بیورو گوجرانولہ کا دورہ کیا اور علی حسن سمیت دیگر بچوں سے ملاقات کی، اس موقع پر وزیر اعلیٰ پنجاب نے علی حسن کے لواحقین کو تلاش کرنے کی ہدایت کی تھی۔
آئی جی پنجاب کی ہدایت پر چیف ٹریفک آفیسر مستنصر فیروز نے بچے کے لواحقین کی تلاش کیلئے خصوصی ٹیم تشکیل دی، انسپکٹر ارشد پاشا نے دو روز کی مسلسل محنت کے بعد علی حسن کا خاندان تلاش کر لیا۔
علی حسن کی والدہ علی حسن آمنہ بی بی کا کہنا ہے کہ 8 سال بعد بچے کو پا کر بہت خوش ہیں، وزیر اعلیٰ پنجاب، آئی جی پنجاب، سی ٹی او اور ٹریفک پولیس کی ٹیم کے مشکور ہیں۔
