روہڑی (ڈیلی پاکستان آن لائن )روہڑی کے علاقے لیفٹ بیراج روڈ پر جھگیوں میں آتشزدگی کا واقعہ پیش آیا، جس کے نتیجے میں 25 جھونپڑیاں جل کر خاکستر ہوگئیں۔
نجی ٹی وی آج نیوز نے ابتدائی اطلاعات کے حوالے سے بتایا کہ لوگ اپنی مدد آپ کے تحت آگ پر قابو پانے کی کوششوں میں مصروف ہیں، متعدد جھونپڑیاں مکمل طور پر جل گئیں۔
مقامی ذرائع کے مطابق آتشزدگی کے باعث علاقے میں شدید خوف و ہراس پھیل گیا تاہم کسی جانی نقصان کی اطلاع نہیں ملی۔