لیور پول کے محمد صلاح فائنل میچ کے لئے اپنا روزہ تر ک نہیں کریں گے
کیو ( ڈیلی پاکستان آن لائن )فٹ بال کے مداحوں کا جم غفیر آج ریال میڈریڈ اور لیور پول کے مابین ہونے والے چمپینز لیگ کا اختتامی میچ دیکھنے کیلئے بےتاب ہیں جو آج رات 11بج کر 45 منٹ پر کھیلا جائے گا، اس فائنل معرکے کی تیاریوں کے سلسلے میں لیور پول کے محمد صلاح نے روزے کی حالت میں پریکٹس سیشن میں حصہ لیا اور ٹیم مینجمنٹ کی جانب سے روزہ ترک کرنے کا مشورہ بھی نہیں مانا۔محمد صالح کا کہنا ہے کہ وہ فائنل میچ کے لئے بھی اپنا روزہ ترک نہیں کریں گے
Mohamed Salah has confirmed that he won't break his fast for the Champions League final on Saturday. ???????????? pic.twitter.com/Q4w1ckuUXd
— Football Planet (@FoootballPlanet) May 23, 2018
تفصیلات کے مطابق مصر کے عالمی شہرت یافتہ فٹ بالر محمد صلاح کی سوشل میڈیا پروائرل ہونے والی بعض تصاویر نے اس کے ساتھ ہمدردی کے جذبات میں اضافہ کردیا ہے۔سوشل میڈیا پر محمد صلاح کی تصاویر میں انہیں تھکاوٹ کی حالت میں دیکھا گیا ہے۔ ان کی یہ تصاویر اس وقت لی گئی تھیں جب وہ اپنی ٹیم لیورپول کی جانب سے ریال مڈرید کے خلاف یوکرائن میں ہونے والے فٹ بال کے مقابلے کی پریکٹس کررہے تھے۔
لیور پول کے منیجر صلاح سے روزہ نہ رکھنے کا مطالبہ کرچکے ہیں، جبکہ مصر اور سعودی عرب میں عالمی فٹ بال کے دوران روزہ نہ رکھنے کے فتوے جاری ہوچکے ہیں۔