پاکستان بلائنڈ کرکٹ کونسل نے خواتین کی کرکٹ ٹیم بنانے کا اعلان کردیا
لاہور(ڈیلی پاکستان آن لائن) پاکستان بلائنڈ کرکٹ کونسل نے انقلابی فیصلہ کرتے ہوئے خواتین کی بلائنڈ کرکٹ ٹیم بھی لانچ کردی جو نیپال کے خلاف اپنی پہلی سیریز کھیلے گی۔
PBCC launched the Women Blind Cricket.
— PakistanBlindCricket (@PakBlindCricket) May 26, 2018
Scope of sports for Blind girls in Pakistan is too limited thus Cricket will help them a great deal to showcase their abilities to the World.
Thanks @SyedaNain18 @ImJaveria @nahidakhan_real for supporting the cause..#Womenblindcricket pic.twitter.com/rvyclXOqKO
تفصیلات کے مطابق لاہور کے مقامی ہوٹل میں پاکستان بلائنڈ کرکٹ کونسل کے چیئرمین سید سلطان شان نے بلائنڈ ویمن کرکٹ ٹیم بنانے کا اعلان کیا اور ابتدائی طور پر 15 رکنی ٹیم کو پاکستان کے سکواڈ کا درجہ دیا۔ اس تقریب میں پاکستان کی ویمنز ٹیم کی کھلاڑیوں نین عابدی، جویریہ ودود، ناہیدا خان نے شرکت کی۔
سید سلطان شاہ نے کہا کہ پاکستان بلائنڈ ویمنز ٹیم رواں برس نیپال کے خلاف ہوم سیریز کھیلے گی جبکہ ویسٹ انڈیز نے بھی ٹیم بنائی ہے لہٰذا ان کے ساتھ بھی سیریز ہوسکتی ہے۔انہوں نے مزید کہا کہ لاہور سے 100 سے زائد لڑکیوں نے رجسٹریشن کروائی ہے جبکہ ہم ملک بھر سے 40 سے 50 لڑکیوں کو منتخب کرکے ان کا کیمپ لگائیں گے۔