فیفا ورلڈ کپ 2018 کا آفیشل گانا ریلیز،ول سمتھ بھی اس کا حصہ
ماسکو(ڈیلی پاکستان آن لائن)فیفا نے آئندہ ماہ روس میں ہونے والے فٹبال ورلڈ کپ 2018 کا آفیشل گانا ”لِو اٹ اپ“ جاری کردیا جسے معروف فنکاروں ول سمتھ، نکی جیمز اور ایرا استریفی نے گایا ہے۔
???? The Official Song of the 2018 FIFA #WorldCup has been released!
— FIFA World Cup ???? (@FIFAWorldCup) May 25, 2018
Listen to "Live It Up" by @NickyJamPR feat. Will Smith & @strefie – Prod. by @Diplo! #LiveItUp ????????
Spotify: https://t.co/UG3q3qIbX8
YouTube: https://t.co/a1LfOqRupY pic.twitter.com/z1jLFNvqvJ
فٹبال کی عالمی گورننگ باڈی فیفا نے عالمی ایونٹ کے آغاز سے 20دن قبل گانا ریلیز کیا جسے اب تک 20لاکھ سے زائد مرتبہ دیکھا اور سنا جا چکا ہے۔فیفا کی جانب سے گانا گانے والوں تینوں فنکاروں کو 15جولائی کو ماسکو میں ہونے والے فائنل میں مدعو کر کے پرفارم کرائے جانے کا قوی امکان ہے۔نامور ریپ فنکار ول سمتھ نے کہا کہ فیفا ورلڈ کپ میں پرفارم کی دعوت ملنا اعزاز کی بات ہے۔ یہ عالمی ایونٹ دنیا بھر کے عوام کو ایک جگہ جمع کرتا ہے تاکہ وہ خوش ہوں، جشن منائیں اور کرشماتی لمحات سے لطف اندوز ہوں اور اس گانے کے ذریعے ہم یہ پیغام دینا چاہتے ہیں کہ ہم دنیا کو ناچتے ہوئے دیکھنا چاہتے ہیں۔
ورلڈ کپ کے آفیشل گانے اور میسکوٹ کا سلسلہ 1966 ورلڈ کپ سے جاری ہے اور اس کے بعد سے ہر ورلڈ کپ کے لیے گانے اور میسکوٹ کو خصوصی طور پر جاری کیا جاتا ہے۔