شعیب اختر نے بھی معروف مسلمان فٹبالر محمد صلاح کو سیلوٹ کردیا ،لیکن کیوں ؟وجہ جان کر آپ بھی محمد صلاح پر فخر کریں گے
لاہور(ڈیلی پاکستان آن لائن )لیور پول کے معرو ف مسلمان فٹبالر محمد صلاح نے اپنے مینجر کی جانب سے روزہ ترک کرنے کے مشورے کو نہ مانتے ہوئے مسلمانوں کا دل جیت لیا ،اس پر معروف پاکستانی کرکٹر شعیب اختر بھی خاموش نہ رہ سکے اور محمد صلاح کو سیلوٹ کردیا ۔
مائیکرو بلاگنگ ویب سائٹ ٹوئٹر پر شعیب اختر نے محمد صلا کی تصویر شیئر کی اور پیغام دیا کہ میں اس انسان کو اور اس کے ایمان کو سیلوٹ پیش کرتا ہوں ۔انہوں نے کہا کہ ہم سب محمد صلاح کے ساتھ ہیں ،وہ آج کامیچ جیتیں گے ۔
Salute to this guy & his faith ..
— Shoaib Akhtar (@shoaib100mph) May 26, 2018
Good luck salah go win the championship we all are with you.. pic.twitter.com/X0QyZI5PK4
واضح رہے کہ فٹ بال کے مداحوں کا جم غفیر آج ریال میڈریڈ اور لیور پول کے مابین ہونے والے چمپینز لیگ کا اختتامی میچ دیکھنے کیلئے بےتاب ہیں جو آج رات 11بج کر 45 منٹ پر کھیلا جائے گا، اس فائنل معرکے کی تیاریوں کے سلسلے میں لیور پول کے محمد صلاح نے روزے کی حالت میں پریکٹس سیشن میں حصہ لیا اور ٹیم مینجمنٹ کی جانب سے روزہ ترک کرنے کا مشورہ بھی نہیں مانا۔محمد صالح کا کہنا ہے کہ وہ فائنل میچ کے لئے بھی اپنا روزہ ترک نہیں کریں گے۔ مصر کے عالمی شہرت یافتہ فٹ بالر محمد صلاح کے اس اعلان کے بعد یہ خبر سوشل میڈ یا پر خوب وائرل ہوئی اور لوگوں نے ان کی اقدام پر خوب تعریف کی ۔