مودی کو سمجھنا ہو گا مسائل کا حل بہتر تعلقات اور مذاکرات ہیں

پاکستان پیپلز پارٹی کے مرکزی رہنما سردار نبیل گبول نے کہا ہے مودی پلوامہ کا ڈرامہ رچاکر اور پاکستان کیخلاف نفرت پھیلا کر ایک مرتبہ پھر بھارتی عوام سے ووٹ حاصل کرنے میں کامیاب ہو گئے ہیں ہمارے وزیراعظم عمران خان نے کہا تھا اگر مودی آئے گا تو اس کے آنے سے ہم مسئلہ کشمیر کو حل کرنے میں کامیاب ہو جائیں گے اسلئے ہم امید کرتے ہیں اب ان دونوں ممالک کے مابین اچھے تعلقات قائم ہو جا ئیں گے۔ایشو آف دی ڈے مین اظہار خیال کرتے ہوئے ان کا کہنا تھا یہ بات تو مودی کو بھی پتہ ہے جنگ کسی بھی مسئلے کا حل نہیں اور اس کو یہ بھی علم ہے پاکستان ایک ذمہ دار ایٹمی طاقت ہے اس لئے مودی کی بھی کوشش ہو گی وہ پاکستان سمیت تمام ہمسایہ ممالک کیساتھ اچھے تعلقات کو فروغ دیں۔
نبیل گبول