پارٹی کو ختم کرنے، ہمیں غلام بنانے کی کوشش ناکام ہونگی: عمران خان
لاہور(آئی این پی)پاکستان تحریک انصاف کے چیئر مین اور سابق وزیراعظم عمران خان نے کہا ہے 9مئی کو آتشزدگی کے بہانے (پی ٹی آئی کی پوری قیادت کی طرف سے مذ مت کی گئی)ریاست پارٹی کو ختم کرنے کی کوشش کر رہی ہے، ٹویٹر پر اپنے ایک بیان میں انہوں نے لکھا پچھلے سال 25مئی کو فاشزم میں ہمارے نزول کا آغاز ہوا۔ پی ٹی آئی حکو مت کے ساڑھے تین سال کے دوران پی ڈی ایم کے تین لانگ مارچ کو بغیر کسی رکاوٹ کے اجازت دی گئی لیکن ہم نے ریاستی دہشت گردی کا پوری قوت سے سامنا کیا، ا نہو ں نے کہا آدھی رات کو گھروں کی توڑ پھوڑ اور پی ٹی آئی کے عہدیداروں اور کارکنوں کو اغوا کر لیا گیا اور پھر جو بھی اسلام آباد پہنچا اسے آنسو گیس، ربڑ کی گولیوں اور پولیس کی بربریت کا سامنا کرنا پڑا۔ ہم میں سے کچھ نے سوچا کہ یہ ایک دور ہے لیکن یہ صرف شروعات تھی،پی ٹی آئی کے چیئر مین کا کہنا تھا آج سب سے بڑی اور واحد وفاقی جماعت بغیر کسی احتسا ب کے ریاستی طاقت کے مکمل قہر کا سامنا کر رہی ہے، دس ہزارسے زیادہ پی ٹی آئی کارکنان اور حامی جیل میں ہیں جن میں سینئر قیادت اور کچھ کو حراست میں تشدد کا سامنا ہے،عمرا ن خان نے کہا 9مئی کو آتشزدگی کے بہانے (پی ٹی آئی کی پوری قیادت کی طرف سے مذمت کی گئی)ریاست پارٹی کو ختم کرنے کی کوشش کر رہی ہے جس میں زبردستی طلاقیں اور پی ٹی آئی کے اراکین کیخلاف فوجی عدالتوں میں مقدمہ چلایا جا رہا ہے،پی ڈی ایم اور صحافی برادری میں جو لوگ اس یزیدیت کے نعرے لگا رہے ہیں انہیں معلوم ہونا چاہیے۔پی ٹی آئی کو نہیں بلکہ ہماری جمہوریت یعنی ہماری آزادی کو ختم کر رہی ہے،آخر میں سابق وزیراعظم نے لکھا تاہم ہمیں غلام بنانے کی یہ کوشش ناکام ہو جائیگی کیونکہ ہمارے پاس سیاسی طور پر باشعور نوجوان آبادی ہے جو میڈیا کے مسخر ہونے کے باوجود سوشل میڈیا سے اپنی معلومات حاصل کرتی ہے۔
عمران خان
