پنجاب حکومت کا اداکار راشدمحمود کی مالی معاونت کا فیصلہ

لاہور(فلم رپورٹر)نگران پنجاب حکومت نے ہارٹ اٹیک کا شکار ہونے والے پاکستان کے سینئر اداکار راشد محمود کی فوری مالی معاونت کا فیصلہ کیا ہے۔صوبائی وزیر اطلاعات و ثقافت عامر میر نے کہا ہے کہ محکمہ اطلاعات و ثقافت راشد محمود کے علاج معالجے کے انتظامات کرے گا، راشد محمود کی اداکاری اور صدا کاری قوم کا عظیم اثاثہ ہے۔انہوں نے کہا کہ پوری قوم راشد محمود کی جلد صحت یابی کیلئے دعا گو ہے، فن اداکاری سے وابستہ لوگوں میں راشد محمود ایک استاد کا درجہ رکھتے ہیں، اللہ سینئر اداکار راشد محمود کو صحت کاملہ عطا فرمائے۔