وہ چیزیں جو حجاج کرام کے ساتھ لانے پرپابندی ہوگی، سعودی وزارت حج نے واضح کردیا
ریاض (ویب ڈیسک) سعودی وزارت حج و عمرہ نے اعلان کیا ہے کہ رواں برس فریضہ حج کی ادائیگی کے لیے دنیا بھر سے آنے والے فرزندان توحید پر اپنے ہمراہ پلاسٹک کی بوتلیں، بغیر پیکنگ کے کھلا ہوا اور کپڑوں میں لپٹا ہوا سامان لانے پر پابندی ہوگی۔
سعودی میڈیا کے مطابق پابندی کا اطلاق فوری طوری پر نافذ العمل ہوگا جس کا اعلان وزارت حج و عمرہ نے مائیکرو بلاگنگ ویب سائٹ پر کیا۔ یہ پابندیاں عازمین حج کے سفر کو آرام دہ اور محفوظ بنانے کے لیے عائد کی گئی ہیں۔
Avoid carrying prohibited luggage when you travel. #Proclaim_to_the_People#Makkah_and_Madinah_Eagerly_Await_You pic.twitter.com/taOas7mLJA
— Ministry of Hajj and Umrah (@MoHU_En) May 24, 2023
وزارت حج و عمرہ کے ضیوف الرحمان کا فضائی سفر کے دوران ممنوعہ سامان لانے سے اجتناب برتنے کی ہدایت کرتے ہوئے کہنا تھا کہ کسی بھی قسم کی پریشانی سے بچنے کے لیے ان ہدایات پر ضرور عمل کریں۔
قبل ازیں وزارت حج و عمرہ نے عازمین حج سے یہ درخواست بھی کی تھی کہ سعودی عرب آمد پر اپنے نقدی اور پُرتعیش اشیا سے متعلق مکمل تفصیلات سے ایئرپورٹ کے عملے کو آگاہ کریں۔ بیرون ملک کی کرنسی اور قیمتی اشیا اتنی ہی لائیں جتنی مقدار میں اجازت دی گئی ہے۔
Dear Guests of Allah,
Please avoid bringing large amounts of cash and valuable items with you when traveling to the kingdom. This will help to make the process faster and easier for you.#Proclaim_to_the_People#Makkah_and_Madinah_Eagerly_Await_You pic.twitter.com/ObBIEvBGd7
— Ministry of Hajj and Umrah (@MoHU_En) May 24, 2023
واضح رہے کہ دنیا بھر سے فرزندان توحید حج کے فریضے کی ادائیگی کے لیے سعودی عرب پہنچنا شروع ہوگئے ہیں اور اس بار ریکارڈ حاضری کے باعث حکومت نے خصوصی انتظامات کیے ہیں۔
