’پی ٹی آئی حقیقی‘ بنانیوالے راؤ یاسر نے جماعت رجسٹر ڈکرانے کی درخواست دیدی
اسلام آباد (ویب ڈیسک)تحریک اںصاف سے علیحدگی اختیارکرنے والے رکن اور پی ٹی آئی ملتان یوتھ ونگ کے سابق صدر راؤ یاسر اپنی پارٹی رجسٹرڈ کروانے کے لیے الیکشن کمیشن پہنچ گئے۔
"جیو نیوز "کے مطابق راؤ یاسر نے تحریک انصاف حقیقی بنانے کا اعلان کیا اور انہوں نے اپنی جماعت کو رجسٹر ڈکرانے کے لیے الیکشن کمیشن میں درخواست بھی دائر کردی ہے۔یادرہےکہ گزشتہ روز پریس کانفرنس میں راؤ یاسر کا کہنا تھا کہ ہم اپنے اداروں کے ساتھ مل کر ملک سے دہشتگردی کا خاتمہ کریں گے، جن نوجوانوں کی توڑ پھوڑ کی ویڈیو یا تصاویر نہیں ان کی رہائی کیلئےکام کروں گا، نوجوان تحریک انصاف حقیقی کا ساتھ دیں، پارٹی بنانے کا اعلان کیا ہے جس کی رجسٹریشن کیلئے جلد الیکشن کمیشن سے رجوع کریں گے اور پھر ممبرشپ کا آغاز کریں گے ۔
