نیب کے شکنجے میں پھنسے سعد رفیق کو عدالت سے بڑی خوشخبری مل گئی

نیب کے شکنجے میں پھنسے سعد رفیق کو عدالت سے بڑی خوشخبری مل گئی
نیب کے شکنجے میں پھنسے سعد رفیق کو عدالت سے بڑی خوشخبری مل گئی

  



لاہور (ڈیلی پاکستان آن لائن )لاہور ہائیکورٹ نے سعد رفیق اور سلمان رفیق کی ضمانت میں پانچ دسمبر تک توسیع کر دی ہے ۔

تفصیلات کے مطابق لاہور ہائیکورٹ میں سعد رفیق اور سلمان رفیق کی درخواست ضمانت پر سماعت ہوئی جس دوران نیب کے وکیل نے عدالت میں کہا کہ چیئرمین نیب نے وارنٹ گرفتاری جاری کیے ہیں ۔ عدالت نے استفسار کیا کہ گرفتاری کی گراونڈ کیا ہے ۔تفتیشی افسر نے عدالت میں بیان دیتے ہوئے کہا کہ گرفتاری کی گراونڈ ابھی میرے پاس نہیں ہے ۔ اس موقع پر سعد رفیق کے وکیل نے کہا کہ تفتیش تبدیل کروانے کیلئے دخواست بھی دے رکھی ہے جس پر عدالت نے چیئرمین نیب کو درخواست پر جلد فیصلہ کرنے کی ہدایت کر دی ہے ۔

خواجہ سعد رفیق نے ضمانت منظور ہونے کے بعد عدالت کے باہر میڈیا سے گفتگو کرتے ہوئے کہا کہ مجھ پرالیکشن چوری کرنے کا بھی الزام لگایاگیا، الیکشن چوری کے الزام کا 5سال سامناکیا، حکومت کے آمرانہ ہتھکنڈوں کاسامناکریں گے۔ انہوں نے کہا کہ مجھ پر اور میرے بھائی پر پرائیوٹ سوسائٹی کا لزام لگا رہے ہیں ، ایک مہینہ ہو گیا ہے اور ایک بھی ثبوت پیش نہیں کیا ۔

مزید : اہم خبریں /قومی


loading...