وفاقی کابینہ کا اجلاس آج طلب 

   وفاقی کابینہ کا اجلاس آج طلب 

  



 اسلام آباد(سٹاف رپورٹر) وزیراعظم عمران خان نے وفاقی کابینہ کا اجلاس (آج) منگل کو طلب کرلیا، اجلاس میں وفاقی کابینہ ملکی سیاسی، معاشی وسیکورٹی صورت حال کا جائزہ لے گی،اجلاس میں کابینہ چیئرمین آرڈننس فیکٹریز بورڈ کی تقرری کی منظوری دے گی۔تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس (آج)منگل کی صبح ساڑھے 11 بجے وزیراعظم آفس میں ہوگا۔ اجلاس میں وفاقی کابینہ ملکی سیاسی، معاشی وسیکورٹی صورت حال کا جائزہ لے گی۔وفاقی کابینہ کے اجلاس کا 16 نکاتی ایجنڈاجاری کردیا گیا، کابینہ اقتصادی رابطہ کمیٹی کے فیصلوں کی توثیق کرے گی۔ اجلاس میں کابینہ چیئرمین آرڈننس فیکٹریز بورڈ کی تقرری کی منظوری دے گی۔کے پی، فاٹا اور پاٹا سے متعلق مالی امور کے حوالے سے فیصلے، عامر منظورکی پی ٹی وی ایم ڈی تعیناتی کی شرائط کی منظوری اور پاکستان اکادمی ادبیات کے چیئرمین کی تقرری کی منظوری بھی کابینہ اجلاس کے ایجنڈے میں شامل ہے۔اجلاس میں ہیلتھ کیئرریگولیشنز ایکٹ کے تحت بورڈ آف اتھارٹی کے ارکان کی نامزدگی اور ہیلتھ کئیر فیسیلیٹیزمینجمنٹ ایکٹ 2019 کی منظوری دی جائے گی۔وزیراعظم کی زیرصدارت اجلاس میں 3 سال کے دوران حج پالیسی کی تیاری میں درپیش مشکلات کا جائزہ لیا جائے گا۔ پوسٹل لائف انشورنس کو پبلک پرائیویٹ کمپنی بنانے کی منظوری بھی اجلاس کے ایجنڈے کاحصہ ہے۔

وفاقی کابینہ

مزید : صفحہ اول