وزیراعظم عمران خا ن کا بابر اعظم کو نمبر 4پر بیٹنگ کرنے کا مشورہ 

وزیراعظم عمران خا ن کا بابر اعظم کو نمبر 4پر بیٹنگ کرنے کا مشورہ 

  



لاہور(سپورٹس رپورٹر)  وزیراعظم  عمران خان نے ٹیم ے کپتان بابر اعظم کو نمبر 4 پر بیٹنگ کرنے کا مشورہ دے دیا ہے۔سماجی رابطے کی ویب سائٹ ٹوئٹر سے جاری اپنے پیغام میں سابق کپتان و مایہ ناز گیند باز وسیم اکرم نے بتایا ہے کہ برسبین ٹیسٹ کے دوران وزیراعظم عمران خان مجھے میسج کیا اور کہا کہ میں ان کی جانب سے نیک تمناں کا اظہار بابراعظم تک پہنچا ؤں۔انہوں نے بتایا کہ عمران خان کا اپنے پیغام میں کہنا تھا کہ بابراعظم شاندار تکنیک رکھنے والے اچھے بیٹسمین ہیں، انہیں نمبر 4 پر بیٹنگ کرنی چاہیئے۔واضح رہے پاکستان کی ٹیسٹ ٹیم اس وقت دو میچوں پر مشتمل سیریز کھیلنے کے لئے آسٹریلیا میں موجود ہے۔قومی ٹیم کو پہلے ٹیسٹ میچ میں آسٹریلیا کے ہاتھوں ایک اننگز اور پانچ رنز سے شکست کا سامنا کرنا پڑا تھا، اس میچ میں بابر اعظم پہلی اننگز میں صفر جبکہ دوسری اننگز میں شاندار سینچری اسکور کرنے میں کامیاب ہوئے۔

مزید : کھیل اور کھلاڑی