مودی سرکار میں مسلمانوں کا جینا محال لیکن ایک بھارتی سکھ شہری نے مسلمانوں کیلئے ایسا کام کردکھایا کہ آپ کو بھی خوشی ہوگی

مودی سرکار میں مسلمانوں کا جینا محال لیکن ایک بھارتی سکھ شہری نے مسلمانوں ...
مودی سرکار میں مسلمانوں کا جینا محال لیکن ایک بھارتی سکھ شہری نے مسلمانوں کیلئے ایسا کام کردکھایا کہ آپ کو بھی خوشی ہوگی

  



مظفر نگر(ویب ڈیسک) بھارتی ریاست اترپردیش میں ایک 70 سالہ سکھ نے مسجد کی تعمیر کے لیے اپنی آبائی 900 مربع فٹ زمین فراہم کردی۔

بھارتی خبر رساں ادارے ’پی ٹی آئی‘ کے مطابق اتر پردیش کے ضلع مظفر نگر کے قصبے پور قاضی میں سکھ شہری نے علاقے میں مسجد کی تعمیر کے لیے جذبہ خیر سگالی کے تحت اپنی زمین تحفتاً دے دی ہے۔ سماجی کارکن سُکھ پال سنگھ بیدی نے زمین کے کاغذات پنچائت کے چیئرمین ظاہر فاروقی کے حوالے کیے۔

اس موقع پر سماجی کارکن سُکھ پال سنگھ بیدی کا کہنا تھا کہ امن اور مذہبی ہم آہنگی بابا گرونانک کی تعلیمات ہیں اور انہی تعلیمات کی پاسداری کرتے ہوئے مسلمان بھائیوں کے ساتھ مساوی سلوک اور احترام کے جذبے کے تحت زمین مسجد کی تعمیر کے لیے مختص کردی ہے۔

دوسری جانب اسی قصبے کے رہائشی ڈاکٹر سندیپ ورما نے سکھ برادری کے اقدام کی تعریف کرتے ہوئے کہا کہ میں خود اس زمین کی تعمیر کے لیے چندہ دوں گا اور دیگر لوگوں کو بھی آگے بڑھنا چاہیئے تاکہ علاقے میں مذہبی رواداری کو فروغ حاصل ہو۔

مزید : بین الاقوامی