" ماں باپ نے علیحدگی کے بعد شادی کرلی اور اب بچوں کی ذمہ داری لینے کو تیار نہیں" انتہائی حیران کن مقدمہ عدالت پہنچ گیا

" ماں باپ نے علیحدگی کے بعد شادی کرلی اور اب بچوں کی ذمہ داری لینے کو تیار ...

  



لاہور (ویب ڈیسک) صوبائی دارالحکومت لاہور میں میں والدین نے اپنے 3 بچوں کی ذمہ داری لینے سے انکارکردیا جس کے بعد تینوں بچوں نے اپنی پھوپھی کے ذریعے لاہور ہائیکورٹ سے رجوع کر لیا۔

لاہور ہائیکورٹ میں سویرا رمضان کی جانب سے دائر درخواست میں کہا گیا ہے کہ ماں باپ 3 بچوں کی ذمہ داری لینے سے معذوری ظاہر کررہے ہیں۔لاہور ہائیکورٹ نے سویرا رمضان کی درخواست پر فریقین کو نوٹس جاری کر دیے۔درخواست گزار پھوپھی کا کہنا ہے کہ ماں باپ نےعلیحدگی کے بعد شادی کرلی اور بچوں کو بے آسرا چھوڑ دیا۔ تینوں بچے میرے پاس ہیں، کفالت میرے بس کی بات نہیں۔لاہور ہائیکورٹ نے 3 بچوں کے والد جمیل کو طلب کرلیا۔ جسٹس انوارالحق پنوں نے کیس کی مزید سماعت 27 نومبر تک ملتوی کردی۔

مزید : علاقائی /پنجاب /لاہور