مولانا آزادی مارچ کے ذریعے جیل والوں کو باہر اور کشمیر معاملے کو پیچھے دھکیلنا چاہتے تھے،شوکت یوسفزئی

مولانا آزادی مارچ کے ذریعے جیل والوں کو باہر اور کشمیر معاملے کو پیچھے ...
مولانا آزادی مارچ کے ذریعے جیل والوں کو باہر اور کشمیر معاملے کو پیچھے دھکیلنا چاہتے تھے،شوکت یوسفزئی

  



پشاور(ڈیلی پاکستان آن لائن) وزیراطلاعات خیبرپختونخوا شوکت یوسفزئی نے کہا کہ آزادی مارچ کے پیچھے مولانا فضل الرحمان کے دو مقاصد تھے ایک جیل والوں کو باہر لائیں اور کشمیر معاملے کو پیچھے دکھیلنا۔

میڈیا سے بات کرتے ہوئے ان کا کہنا تھا کہ مولانا کا پلان بی ناکام ہوا، پھر پلان سی دیا، اگر مولانا فضل الرحمان کا پلان اے کامیاب تھا تو پھر پلان بی کی طرف کیوں گئے؟ انہوں نے کہا کہ اپوزیشن پاکستان کو انتشار کی طرف لے جانا چاہتی ہے۔

سینیٹ کی خالی سیٹ پر جاری انتخاب کے متعلق کہنا تھا کہ حکومت کے اتحادی پوری طرح متحد ہیں، پچھلی بار ہارس ٹریڈنگ کرنے والوں کا انجام کیا ہوا؟ وہ آج سب کے سامنے ہے۔ان کا کہنا تھا کہ مجھے یقین ہے تحریک انصاف کا کوئی رکن ووٹ نہیں بیچے گا اور اگر کسی پر الزام ثابت ہوا تو کارروائی کی جائے گی۔

ٹماٹروں کی جگہ دہی استعمال کرنے والے بیان کی وضاحت کرتے ہوئے ان کا کہنا تھا وہ اپنی ذات کیلئے کہا تھا، مارکیٹ میں ٹماٹروں کی قلت کے سبب قیمت بڑھی تھی تاہم اب ایران کے ٹماٹر پہنچ گئے ہیں۔شوکت یوسفزئی نے کہا کہ سپریم کورٹ کے فیصلے پر حکومتی وکلاءمشاورت کر رہے ہیں اور ہمیں امید ہے کہ عدالت میرٹ پر فیصلہ کرے گی۔

مزید : قومی /علاقائی /خیبرپختون خواہ /پشاور