اسلام میں بداخلاقی کے مجرموں کی  سزا متعین،ان پر عملدرآمد کیا جائے

 جماعت اسلامی پاکستان کے مرکزی رہنما لیاقت بلوچ نے ایشو آف دی ڈے میں گفتگو کرتے ہوئے کہا ہر نئی آنیوالی حکومت بڑے ذوق و شوق سے نئے قوانین بنانے کی کوشش تو کرتی ہے مگر جو پہلے سے موجود قوانین پر عملدرآمد نہیں کرتی،جب ہم ریاست مدینہ کی بات کرتے ہیں تو ہماری شریعت نے جو بداخلاقی کے مجرموں کیلئے سزائیں متعین کر رکھی ہیں،اگر ان پر ہی من و عن عمل کیا جائے تونئے قوانین بنانے کی بھی ضرورت نہیں رہتی، ان پر عملدرآمد کرکے حکمران اپنی دنیا و آخرت سنوار سکتے ہیں، اگر ہم اپنے کمسن بچوں کیساتھ بداخلاقی کے مرتکب مجرموں کو اسلامی قوانین کے مطابق سزائیں دینے پر عملدرآمد یقینی بنالیں تو ایسے جرائم کا خاتمہ ممکن ہے۔
لیاقت بلوچ