لیونل میسی کا ڈیاگو میراڈونا کو خراج تحسین، سب کی آنکھیں نم کر دیں

لیونل میسی کا ڈیاگو میراڈونا کو خراج تحسین، سب کی آنکھیں نم کر دیں
لیونل میسی کا ڈیاگو میراڈونا کو خراج تحسین، سب کی آنکھیں نم کر دیں
سورس:   Instagram

  

لاہور (ڈیلی پاکستان آن لائن) ارجنٹائن کے معروف فٹ بالر لیونل میسی نے اپنے ہم وطن عالمی شہرت یافتہ لیجنڈری فٹ بالر ڈیاگو میراڈونا کی موت پر دکھ کا اظہار کرتے ہوئے لکھا کہ ڈیاگو ہماری یادوں میں ہمیشہ رہیں گے۔ 

تفصیلات کے مطابق میسی نے انسٹاگرام ہم وطن لیجنڈری فٹ بالر ڈیاگو میراڈونا کے ساتھ تصویر شیئر کرتے ہوئے کیپشن میں لکھا کہ’ تمام ارجنٹائن اور فٹ بال کیلئے آج ایک انتہائی افسوسناک دن ہے کیونکہ میراڈونا ہمیں چھوڑ گئے ہیں لیکن وہ نہیں گئے، کیونکہ ڈیاگو ہمیشہ ہمارے ساتھ رہیں گے۔ ‘ 

میسی کا مزید کہنا تھا کہ ’میں ان کیساتھ لطف اندوز ہونے والے تمام عمدہ لمحات کو ہمیشہ یاد رکھوں گا اور اس وقت ان کے اہل خانہ اور دوست احباب کیلئے نیک خواہشات کا اظہار کرتا ہو۔‘

واضح رہے کہ گزشتہ شب دنیائے فٹ بال کا عظیم باب بند ہوگیا اور سٹار فٹ بالر میراڈونا60 برس کی عمر میں حرکت قلب بند ہونے سے جہان فانی سے کوچ کر گئے۔ میراڈونا کا شمار دنیا کے بہترین فٹ بالرز میں ہوتا تھا وہ 4 عالمی فٹ بال کپ میں ارجنٹائن کی نمائندگی کرنے کا اعزاز رکھتے تھے۔

مزید :

کھیل -