سمارٹ سٹی کیلئے سی بی ڈی پنجاب کی جازکے ساتھ شراکت داری

سمارٹ سٹی کیلئے سی بی ڈی پنجاب کی جازکے ساتھ شراکت داری

  

لاہور(پ ر) لاہور سنٹرل بزنس ڈسٹرکٹ ڈویلپمنٹ اتھارٹی کی جانب سے ایک سمارٹ سٹی ایکو سسٹم کی تعمیر کے لیے پاکستان کے نمبر 4G آپریٹر اور سب سے بڑا انٹرنیٹ اور براڈ بینڈ سروس فراہم کرنے والے جاز(Jazz) کے ساتھ شراکت داری کی جارہی ہے۔ اس مقصد کے لیے جاز کے چیف بزنس آفیسر سید علی نصیر اور ایل سی بی ڈی ڈی اے کے سی ای او عمران امین کے درمیان ایک مفاہمتی یادداشت(ایم او یو) پر دستخط کیے گئے۔اس منصوبے کا مقصد پاکستان کو گلوبل بزنس ڈسٹرکٹس کے نقشے پر لانا ہے۔ اس کے لیے، LCBDDA نے Jazz کے ساتھ ایک شراکت داری پر دستخط کیے، جہاں دونوں فریقین مربوط ماحولیاتی نظام بنانے کے لیے درکار ڈیجیٹل انفراسٹرکچر کے امکانات کو تلاش کریں گے۔سید علی نصیر نے کہا، ''ہم سمارٹ اور پائیدار شہروں کے لیے بہترین حل فراہم کرنے کے لیے پوری طرح لیس ہیں۔ CBD پنجاب کے ساتھ مل کر، ہم صوبے کے ڈیجیٹل تبدیلی کے سفر میں اپنا کردار ادا کرنے کے لیے پرجوش ہیں۔''یہ شراکت داری اس سمارٹ سٹی پراجیکٹ کے لیے درکار متعلقہ ڈیجیٹل انفراسٹرکچر کو تلاش کرنے اور آمدنی پیدا کرنے کے مواقع کی نشاندہی کرنے میں LCBDDA کی مدد کرنے میں Jazz کو مرکزی مشیر کے طور پر کام کرتی نظر آئے گی۔ مفاہمت نامے میں مزید ان علاقوں کی تلاش شامل ہے جہاں LCBDDA میں کاروباری اداروں کے لیےJazz ڈیجیٹل ICT سروس فراہم کرنے والا بن سکتا ہے۔ LCBDDA کے سی ای او عمران امین نے کہا، ''JAZZ/VEON کے ساتھ شراکت داری سے انشاء اللہ قومی اہمیت کے اس میگا پراجیکٹ کے لیے ICT اور ڈیجیٹل تبدیلی کے میدان میں زبردست مواقع سامنے آئیں گے۔''LCBDDA، جسے CBD پنجاب بھی کہا جاتا ہے، پاکستان کا پہلا مرکزی کاروباری ضلع ہے، جہاں پرائیویٹ سیکٹر کو قومی ترقی میں حصہ ڈالنے کے لیے انکی ضروریات کے مطابق اورجدید رئیل اسٹیٹ فراہم کی جائے گی۔

مزید :

کامرس -