وزارت اطلاعات کی مریم نواز کے انکشافات پر تحقیقات کیلئے کمیٹی قائم

     وزارت اطلاعات کی مریم نواز کے انکشافات پر تحقیقات کیلئے کمیٹی قائم

  

اسلام آ باد (سٹاف رپورٹر) وزارت اطلاعات و نشریات نے ن لیگ کی رہنما مریم نواز کے انکشافات پر تحقیقات کیلئے کمیٹی قائم کر دی،تحقیقاتی کمیٹی ن لیگ کے دور حکومت میں میڈیا کو جاری کئے جانے والے اشتہارات میں بے ضابطگیوں اور میڈیا سیل کے ذریعے من پسند صحافیوں اور مختلف میڈیا گروپس کو نوازنے سے متعلق اپنی رپورٹ مرتب کرے گی۔مریم نواز کی سرپرستی میں قائم میڈیا سیل کے ذریعے قومی خزانے سے وفاقی حکومت کے 9 ارب 62 کروڑ 54 لاکھ 3 ہزار 902 روپے خرچ کئے گئے۔مذکورہ میڈیا سیل سے پنجاب کی ایڈورٹائزمنٹ کو کنٹرول کرنے کے شواہد بھی سامنے آئے ہیں۔ تحقیقاتی کمیٹی میڈیا سیل کے ذریعے سرکاری رقوم کے غیر قانونی استعمال کے معاملات کی تحقیقات کر کے اپنی رپورٹ مرتب کرے گی۔علاوہ ازیں  پی ٹی آئی رہنما عالیہ حمزہ  نے مریم نواز کے اشتہارات متعلق بیان کی تحقیقات کا مطالبہ کرتے  ہوئے  چئیر مین قومی اسمبلی قائمہ کمیٹی اطلاعات جاوید لطیف سے بھی معاملہ کی تحقیقات کا مطالبہ کر دیا۔ 

کمیٹی قائم  

مزید :

صفحہ اول -