آڈیو اور ویڈیو ٹیپس سے جمہوریت کو کوئی فائدہ نہیں پہنچنے والا

پیپلز پارٹی کی مرکزی رہنما سیدہ شہلا رضا نے مطالبہ کیاہے کہ جو آڈیو ٹیپ معزز ججز کے متعلق ہے اس کے بارے میں معزز ججز کو ہی خود ایکشن لیکر اس کی انکوائری کروانی اور ذمے داروں کا تعین کرنا چاہئے، پرائیوٹ لوگوں کے بارے میں آڈیو اور ویڈیو ٹیپس معاملے پر اتنا ہی کہوں کی کہ کسی کی بھی ذاتی زندگی کے بارے میں آڈیو ویڈیو ٹیپس بنانے کا سلسلہ ا چھا نہیں،اس کی ہم مذمت کرتے ہیں،آڈیو اور ویڈیو ٹیپس سے جمہوریت کو کوئی فائدہ نہیں پہنچنے والا۔وہ ایشو آف دی ڈے میں اظہار خیال کررہی تھیں۔ان کا کہنا تھا اب چونکہ معاملات عدلیہ سے متعلق آ رہے ہیں اسلئے ایکشن بھی عدلیہ کو ہی لینا پڑیگا، قوم دیکھ رہی ہے اسی عدلیہ نے نواز شریف کو باہر جانے کی اجازت دی، اسی عدالتوں نے مریم نواز کو بھی ضمانت پر رہا کیا،اور اب یہ دونوں باپ بیٹی یعنی باپ لندن میں ایک تندرست و توانا زندگی بسر کرتے دکھائی دے رہے ہیں اور ان کی بیٹی عدلیہ کے متعلق باتیں کررہی ہے۔
شہلا رضا