سرکاری حج سکیم کی 19ہزار 800حج درخواستیں موصول
لاہور(ڈویلپمنٹ سیل)سرکاری حج سکیم 2025ء کی درخواستوں کی وصولی کا سلسلہ جاری، گزشتہ شام تک 19ہزار 800حج درخواستیں وصول، سپانسرشپ سکیم کی حج درخواستوں میں تیزی نہ آ سکی 8دنوں میں 20ہزار کا ہندسہ بھی کراس نہ ہونے سے وزارت بھی پریشان، سرکاری حج سکیم کی درخواستوں کی 3اقساط میں وصولی کے پلان کی وجہ سے وزارت کو امید تھی 10دنوں میں کوٹہ مکمل ہو جائے گا اور 3دسمبر تک 10ہزار درخواست زائد آ جائے گی 6دسمبر کو قرعہ اندازی کریں گے وزارت کا حج سے 7ماہ پہلے اور 3اقساط میں حج پیکیج کی رقم وصول کرنے کو بھی پذیرائی نہیں مل رہی۔اس سال 12سال سے اوپر عمر کی بھی کوئی قید نہیں ہے حج پیکیج بھی گزشتہ سال سے نہیں بڑھایا گیا خواتین محرم کے بغیر حج درخواست دے سکتی ہیں 6افراد کی فیملی کو ایک کمرہ دینے کی سہولت بھی دی گئی ہے ڈبل اور ٹرپل بیڈ بھی اضافی ادائیگی پر حاصل کیا جا سکتا ہے پرائیویٹ سکیم سے سرکاری پیکیج کی آدھی رقم ہونے کے باوجود حج درخواستوں کی وصولی سست روی کا شکار ہے اب وزارت نے آخری تاریخوں سے امیدیں وابستہ کرلی ہیں۔18نومبر سے شروع ہونے والی حج درخواستوں کا سلسلہ 3دسمبر تک جاری رہے گا 6دسمبر قرعہ اندازی کی تاریخ دی گئی ہے۔
حج سکیم
