کراچی، کشتی الٹنے سے 6افراد ڈوب گئے، ایک جاں بحق، 2کو بچا لیا گیا

                                                                         کراچی(آن لائن)کشتی ڈوبنے کے واقعہ میں ایک ہی خاندان کے 6 افراد ڈوب گئے۔اطلاعات کے مطابق ابراہیم حیدری کے قریب کشتی الٹنے کا واقعہ پیش آیا، جس میں چھ افراد ڈوب گئے جن میں سے ایک شخص جاں بحق جبکہ 2 کو ریسکیو کرلیا گیا اور دیگر کی تلاش جاری ہے۔ماہی گیروں کی تنظیم کے رہنما یونس خاصخیلی کے مطابق کشتی میں 6 افراد سوار تھے جو حادثے کے نتیجے میں ڈوب گئے جن میں سے 2 کو ریسکیو کرلیا گیا جبکہ مقامی غوطہ خور ڈوبنے والے افراد کی تلاش میں مصروف ہیں۔انہوں نے بتایا کہ کشتی میں سوار 6 افراد کا تعلق ایک ہی خاندان سے ہے۔حادثے میں جاں بحق اور لاپتہ شخص آپس میں بھائی ہیں۔ یہ تمام لوگ کشتی پرسوار ہوکر بھنڈار میں عرس میلہ دیکھنے جارہے تھے۔واقعہ گزشتہ شب 8 بجے بھنڈار کے مقام پر پیش آیا۔ انہوں نے بتایا کہ رات کے اندھیرے کی وجہ سے کشتی الٹ گئی۔ 

کشتی الٹ گئی