جی ایچ کیو حملہ کیس، عمران خان سمیت 120ملزموں پر فرد جر م کی کارروائی پھر مؤخر

                                                                        راولپنڈی(آئی این پی)جی ایچ کیو حملہ کیس میں بانی پی ٹی آئی عمران خان سمیت دیگر ملزمان پر فرد جرم کی کارروائی ایک بار پھر موخر ہوگئی۔انسداد دہشتگردی عدالت راولپنڈی میں سانحہ 9مئی کے جی ایچ کیو حملہ کیس کی سماعت اے ٹی سی جج امجد علی شاہ نے کی، پاکستان تحریک انصاف کے وکیل محمد فیصل ملک عدالت میں پیش ہوئے،وکیل کی جانب سے عدا لت میں موقف اختیار کیا گیا راستوں کی بندش کی وجہ سے ملزمان کا عدالت میں پیش ہونا ممکن نہیں۔بعد ازاں عدالت نے جی ایچ کیو حملہ کیس میں فرد جرم کی کارروائی 28نومبر تک موخر کردی جبکہ 9مئی کے اس کیس میں فرد جرم کی کارروائی ملزمان کی عدم حاضری کے باعث ملتوی کی گئی۔اسلام آباد، راولپنڈی سمیت پنجاب کے کئی شہروں میں پی ٹی آئی احتجاج سے نمٹنے کیلئے راستوں کی بندش کی وجہ سے شاہ محمود قریشی کو بھی لاہور سے راولپنڈی عدالت میں پیش نہ کیا جا سکا، اسی طرح شیخ رشید احمد و دیگر بھی عدالت میں پیش نہ ہو سکے۔واضح رہے پیر کو سماعت میں بانی پی ٹی آئی سمیت جی ایچ کیو حملہ کیس کے 120ملزمان پر فرد جرم عائد ہونی تھی۔

فرد جرم مؤخر