وزیراعلٰی بلوچستان کا دہشتگردوں کیخلاف ٹارگٹڈ آپریشن شروع کرنے کا اعلان 

                                                                         کوئٹہ(آئی این پی) وزیراعلیٰ بلوچستان میر سرفراز بگٹی نے کہا ہے صوبے میں دہشتگردوں کیخلاف ٹارگٹڈ آپریشن کرنے جارہے ہیں۔ کوئٹہ میں پریس کانفرنس کرتے ہوئے سرفراز بگٹی نے کہا بیگناہ لوگوں کو قتل کرنیوالوں کیخلاف آپریشن کے سوا کوئی آپشن نہیں، 10سالہ مصور خان کے اغواء پر افسوس ہوا، آپریشن کی مخالفت کرنیوالی سیاسی جماعتیں دہشتگردی کیخلاف حل بتائیں، کیونکہ کوئی بھی حکومت ہو وہ یہ نہیں چاہے گی یہاں سے بچے اغوا ء ہوں، بچوں کو اغوا کرنیوالوں کیخلاف کارروائی کی جائے گی،انہوں نے کہا جب تک موقع ہے بلوچستان کے عوام کی خدمت کروں گا، انہوں نے وزیراعلیٰ کی تبدیلی کے حوالے سے پوچھے گئے سوال کا جواب دینے سے گریز کیا اور کہا اس پر کوئی تبصرہ نہیں کروں گا۔ 

وزیراعلیٰ بلوچستان