27فروری سے اب تک بھارتی فوج کو کیا نقصان ہوا اور پاک فوج نے کتنے بھارتی فوجی ہلاک کیے ؟میجر جنرل آصف غفور نے بتا دیا

27فروری سے اب تک بھارتی فوج کو کیا نقصان ہوا اور پاک فوج نے کتنے بھارتی فوجی ...
27فروری سے اب تک بھارتی فوج کو کیا نقصان ہوا اور پاک فوج نے کتنے بھارتی فوجی ہلاک کیے ؟میجر جنرل آصف غفور نے بتا دیا

  



راولپنڈی (ڈیلی پاکستان آن لائن )بھارت کی جانب سے فضائی کارروائی کے بعد پاک فوج نے منہ توڑ جواب دیا جس سے بھارت شدید خوفزدہ ہو گیا اور خوف کے عالم میں اپنے ہی ہیلی کاپٹر کو مار گرایا ۔اب ڈی جی آئی ایس پی آر نے 27فروری سے اب تک بھارت کو ہونے والے نقصانات کے بارے میں آگاہ کردیا ۔مائیکرو بلاگنگ ویب سائٹ ٹوئٹر پر میجر جنرل آصف غفور نے کہا کہ 27فروری سے پاک فوج نے لائن آف کنٹرول پر 60بھارتی فوجی ہلاک اور کئی زخمی کیے جبکہ بھارتی فوج کے بنکرز بھی تباہ کیے ۔پاک فوج نے بھارتی فوج کی آرٹلری گن پوزیشن کو بھی نقصان پہنچا کر انہیں جگہ تبدیل کرنے پر مجبور کیا ۔پاک فضائیہ نے بھارتی ائیر فورس کے دو جنگی جہاز گرائے ،خوفزدہ بھارتی فوج نے خود ہی اپنے د و ہیلی کاپٹر مار گرائے ۔بھارتی نیوی کو بھی مزاحمت کا سامنا ہے ۔

واضح رہے کہ 26فروری کو بھارتی فضائیہ نے پاکستان کی سرحدی خلاف ورزی کی تھی اور بالا کوٹ کے مقام پر بم گرایا تھا جس کے جواب میں اگلے ہی روز 27فروری کو پاک فضائیہ نے دو بھارتی جنگی جہاز مار گرائے تھے جبکہ اس حملے سے گھبرا کر بھارتی فوج نے خود ہی اپنا ہیلی کاپٹر مار گرا یا تھا ۔پاکستان نے بھارتی پائلٹ ابھی نندن کو بھی گرفتار کیا تھا جسے جذبہ خیر سگالی کے تحت بھارت کو واپس کردیا تھا ۔

مزید : قومی /اہم خبریں /دفاع وطن


loading...