نامور سینئر اداکارہ ریما کل اپنی سالگرہ منائیں گی
لاہور (فلم رپورٹر) سینئر اداکارہ ریما کل اپنی سالگرہ منائیں گی۔اداکارہ ریما نے ہدایتکار جاوید فاضل کی فلم ”بلندی“ سے اپنے کرئیر کا آغاز کیا اور ان کے مد مقابل شان نے مرکزی کردار نبھایا۔مذکورہ فلم نے کامیابیوں کے ریکارڈ قائم کئے ریما نے لاتعداد فلموں میں کام کیا اور ہر فلم میں ان کی اداکاری کو شائقین کی جانب سے بھرپور پذیرائی حاصل ہوئی۔ ریما نے بطور ہیروئن متعدد فلموں میں اپنی صلاحیتوں کا لوہا منوایا۔ریما نے امریکہ میں مقیم ڈاکٹر طارق شاہاب سے شادی کرکے اپنا گھر بسایا۔شادی کے بعد اداکارہ ریما نے کسی بھی فلم میں کام نہیں کیا۔ریما اپنے اہل خانہ کے ہمراہ سالگرہ کا کیک کاٹیں گی۔