جھوٹی نازیبا ویڈیوز کا معاملہ، لیگی ایم پی اے ثانیہ عاشق نے بڑا قدم اٹھا لیا
لاہور (ڈیلی پاکستان آن لائن) مسلم لیگ ن کی رکنِ پنجاب اسمبلی (ایم پی اے) ثانیہ عاشق نے خود سے منسوب جھوٹی نازیبا ویڈیو وائرل کرنے والوں کے خلاف وفاقی تحقیقاتی ادارے (ایف آئی اے) سے رجوع کرلیا۔
ٹوئٹر پر ثانیہ عاشق نے خود سے منسوب جھوٹی تصاویر اور ویڈیوز پر سخت غم و غصے کا اظہار کیا اور کہا کہ ان کے خلاف ایک منظم مہم چلائی جا رہی ہے۔ یہاں تک کہ ان کی اپنے والد کے ساتھ اس وقت کی تصویروں کو بھی نامناسب انداز میں وائرل کیا جا رہا ہے جب وہ اپنی زندگی کی آخری سانسیں لے رہے تھے۔
لیگی ایم پی اے کا کہنا تھا کہ ان تمام ٹک ٹاک سمیت سوشل میڈیا اکاؤنٹس کے خلاف قانونی کارروائی کی درخواست دے دی ہے جنہوں نے ان کی تصویروں پر انتہائی نا مناسب گانے لگائے یا ان سے منسوب جھوٹی ویڈیوز شیئر کیں۔
I have decided to follow all legal procedures to identify such accounts & report them to relevant authorities; because being member of legislative assembly its my duty to follow the rule of land wherever possible. I’ve to prove to every girl that this society still cares for us pic.twitter.com/PDTS2II2an
— Sania Ashiq (@SaniaaAshiq) October 26, 2021
ثانیہ عاشق کا کہنا تھا کہ وہ اس نواز شریف کی پیرو کار ہیں جنہوں نے عدالت کی سیڑھیوں پر کھڑے ہو کر اپنا کیس اللہ پر چھوڑ دیا تھا، وہ بھی اپنا کیس اللہ کی عدالت میں پیش کرتی ہیں اور امید کرتی ہیں اللہ کے ہاں سے ان پر الزامات لگانے والوں کو جواب ضرور ملے گا۔
انہوں نے یہ بھی الزام عائد کیا کہ انہیں روزانہ کی بنیاد پر سینکڑوں کی بنیاد پر دھمکی آمیز فون کالز موصول ہو رہی ہیں لیکن یہ ساری مہم ان کے سیاسی نظریے کو مزید مضبوط بنا رہی ہے، اس کے بعد پارٹی اور اپنی قائد مریم نواز سے ان کی وابستگی میں مزید اضافہ ہوا ہے۔
واضح رہے کہ گزشتہ کچھ عرصے سے سوشل میڈیا پر ثانیہ عاشق کے خلاف مہم جاری ہے۔ پہلے ان کی اپنے والد کے ساتھ تصاویر کو نامناسب انداز میں پیش کیا گیا اس کے بعد ایک جھوٹی نازیبا ویڈیو کو ان سے منسوب کیا گیا۔
All this campaign is only strengthening my belief on divine justice and towards my political ideology. The fact that opponents stoop this low is proof that we are on right path. My commitment to my party and my leader @MaryamNSharif has multiplied manifold.
— Sania Ashiq (@SaniaaAshiq) October 26, 2021