"اصل غصہ ہی ہمیں نیوزی لینڈ پر تھا، یہ انڈیا تو راستے میں آگیا" فواد چوہدری بھی میدان میں آگئے

اسلام آباد (ڈیلی پاکستان آن لائن) وفاقی وزیر اطلاعات و نشریات فواد چوہدری نے نیوزی لینڈ کے خلاف شاندار فتح پر قومی کرکٹ ٹیم کو مبارکباد دی ہے۔

انہوں نے اپنے ایک ٹویٹ میں کہا " آج پاکستان کو جو کامیابی ملی ہے اس سے ثابت ہوا کہ کامیابی ٹیم ورک سے ملتی ہے شکریہ ٹیم پاکستان،  آپ کی کامیابیاں کروڑوں لوگوں کو خوشیاں دیتی ہیں، ورلڈچیمپیئن پاکستان۔۔۔ انشاللہ۔"

آج پاکستان کو جو کامیابی ملی ہے اس سے ثابت ہوا کہ کامیابی ٹیم ورک سے ملتی ہے شکریہ ٹیم پاکستان آپ کی کامیابیاں کروڑوں لوگوں کو خوشیاں دیتی ہیں۔۔۔ ، ورلڈچمپئنن پاکستان۔۔۔ انشاللہ #PAKvNZ

— Ch Fawad Hussain (@fawadchaudhry) October 26, 2021

میچ سے قبل فواد چوہدری نے پارلیمنٹ کی راہداریوں میں ایک صحافی کے سوال کے جواب میں کہا تھا "اصل غصہ ہی ہمیں نیوزی لینڈ پر تھا، یہ انڈیا تو راستے میں آگیا۔"

نیوزی لینڈ کے خلاف فتح کے بعد فواد چوہدری نے خود بھی اپنی یہ  ویڈیو ری ٹویٹ کی ہے۔ اس کے علاوہ سوشل میڈیا پر بھی فواد چوہدری کی یہ ویڈیو وائرل ہوچکی ہے۔

اصل غصہ ہی ہمیں نیوزی لینڈ پر تھا انڈیا تو ویسے ہی بیچ میں آگیا تھا۔ ????
@fawadchaudhry
#PakvsNewzealand #PAKvNZ pic.twitter.com/KHN03wckTy

— Muhammad Faizan Yasin (@faizanMFY) October 26, 2021

خیال رہے کہ پاکستان نے ٹی 20 ورلڈ کپ کے میچ میں نیوزی لینڈ کی ٹیم کو پانچ وکٹوں سے شکست دی ہے۔ نیوزی لینڈ نے پہلے کھیلتے ہوئے 134 رنز بنائے تاہم گرین شرٹس نے آٹھ گیندیں پہلے ہی ہدف حاصل کرلیا۔ فاسٹ باؤلر حارث رؤف کو چار کیوی کھلاڑیوں کا شکار کرنے پر میچ کا بہترین کھلاڑی قرار دیا گیا ہے۔