اسلام آباد (ڈیلی پاکستان آن لائن)جسٹس یحییٰ آفریدی آج چیف جسٹس آف پاکستان کے عہدے کا حلف اٹھائیں گے۔
نوٹیفکیشن کے مطابق جسٹس یحییٰ آفریدی 3 سال تک چیف جسٹس پاکستان رہیں گے۔
قبل ازیں صدر مملکت آصف علی زرداری نے جسٹس یحییٰ آفریدی کی بطور چیف جسٹس آف پاکستان تعیناتی کی منظوری دی۔
اعلامیے کے مطابق صدر پاکستان نے جسٹس یحییٰ آفریدی کی تعیناتی 26 اکتوبر سے 3 سال کے لیے کی ہے۔ صدر پاکستان نے چیف جسٹس سپریم کورٹ کی تعیناتی آئین کے آرٹیکل 175 اے (3)، 177 اور 179 کے تحت کی۔
صدر نے جسٹس یحییٰ آفریدی سے 26 اکتوبر کو چیف جسٹس کے عہدے کا حلف لینے کی بھی منظوری دی۔