حکومت کا ”سویٹ پاکستان“ منصوبہ متعارف کرانے کا فیصلہ

حکومت کا ”سویٹ پاکستان“ منصوبہ متعارف کرانے کا فیصلہ

  

 اسلام آباد (این این آئی)وفاقی حکومت نے ”سویٹ پاکستان“ منصوبہ متعارف کرانے کا فیصلہ کرلیا ہے، وزیراعظم عمران خان بلین ٹری ہنی منصوبے کا جلد افتتاح کریں گے۔تفصیلات کے مطابق وفاقی حکومت نے گرین جابز اور مقامی پیداوار کا ایک اور اہم منصوبہ تیار کرلیا، کلین اینڈ گرین پاکستان کے بعد سویٹ پاکستان بھی مہم میں شامل کرلیا گیا۔وفاقی حکومت نے مقامی شہد ”بلین ٹری ہنی“متعارف کرانے کا فیصلہ کرلیا ہے، وزیراعظم عمران خان بلین ٹری ہنی منصوبے کا جلد افتتاح کریں گے اس منصوبے کے حوالے سے موسمیاتی تبدیلی،ایرڈیونیورسٹی، نیوٹیک، شہد کی فارمنگ ماہرین سے مشاورت مکمل کرلی گئی ہے اورمعاون خصوصی ماحولیات ملک امین اسلم نے ورکنگ گروپ تشکیل دے دیا ہے۔انھوں نے کہا کہ ورکنگ گروپ بناکر پائلٹ پراجیکٹ کا آغاز کردیا، بلین ٹری ہنی برانڈ کی انٹرنیشنل مارکیٹنگ کی جائے گی، گلگت، اسکردو سے بھی مخصوص کوالٹی کا بہترین شہد حاصل کیا جائے گا۔

امین اسلم

مزید :

صفحہ آخر -