بارسلونا بین الاقوامی کارشو 30ستمبر کو شروع ہوگا,صدر اور وزیر اعظم سپین خصوصی شرکت کریں گے

بارسلونا بین الاقوامی کارشو 30ستمبر کو شروع ہوگا,صدر اور وزیر اعظم سپین خصوصی ...
بارسلونا بین الاقوامی کارشو 30ستمبر کو شروع ہوگا,صدر اور وزیر اعظم سپین خصوصی شرکت کریں گے

  

بارسلونا (ارشد نذیر ساحل )آٹو موبائل بارسلونا کی جانب سے بین الاقوامی کار شو کا انعقاد 30 ستمبر سے کیا جارہاہےجو کہ 10 اکتوبر تک جاری رہے گا۔ شو میں کاریں بنانے والی 23 مختلف کمپنیاں اپنی گاڑیاں نمائش کے لئے پیش کریں گی جبکہ صدر اور وزیر اعظم سپین خصوصی شرکت کریں گے۔

انتظامیہ کی جانب سے کورونا وائرس کے بعد شو کو کامیابی قرار دیا جارہاہےتاہم ووکس ویگن، فیراری، پورشے جیسی کاریں بنانے والی بڑی کمپنیاں رواں سال شو کا حصہ نہیں ہوں گی۔سال 2019 کی نسبت 20 کمپنیاں نمائش میں حصہ نہیں لے رہیں جن کے بارے  انتظامیہ کا موقف ہے کہ مستقبل میں تمام کمپنیاں نمائش کا حصہ ضرور بنیں گی ۔

کاروں کے میلے کی افتتاحی تقریب میں سپین کے بادشاہ فلپ اور وزیراعظم پیدرو سانچز کو مدعو کیاگیاہے۔ شو کے پہلے دو دن پریس اور اس سے منسلک افراد کے لئے مخصوص ہوں گے جبکہ 3 اکتوبر سے عام شہریوں کو نمائش میں داخلے کی اجازت ہوگی۔ نمائش میں داخلے کے لئے منفی کورونا ٹیسٹ یا سرٹیفکیٹ دکھانا لازمی نہیں ہوگا۔

مزید :

بین الاقوامی -