شاہین شا ہ آفریدی بھی پاکستان کو جیت دلانے والے حارث رؤف کی تعریف کیے بغیر نہ رہ سکے ،پیغام جاری کر دیا 

شاہین شا ہ آفریدی بھی پاکستان کو جیت دلانے والے حارث رؤف کی تعریف کیے بغیر ...
شاہین شا ہ آفریدی بھی پاکستان کو جیت دلانے والے حارث رؤف کی تعریف کیے بغیر نہ رہ سکے ،پیغام جاری کر دیا 

  

کراچی (ڈیلی پاکستان آن لائن )قومی کرکٹ ٹیم کے فاسٹ بولر شاہین شاہ آفریدی انگلینڈ کے خلاف 19 ویں اوور میں 2 گیندوں پر 2 کھلاڑی آؤٹ کر کے پاکستان کی جیت میں اہم کردار ادا کرنے والے حارث رؤف کے گرویدہ ہو گئے اور پیغام جاری کرتے ہوئے کھل کر تعریف کر ڈالی ۔

تفصیلات کے مطابق شاہین آفریدی نے انسٹاگرام پر حارث کی تصویر اپ لوڈ کرتے ہوئے لکھا کہ ”کیا بات ہے! واہ سبحان اللہ، واہ بھائی واہ“۔گزشتہ روز7 میچز پر مشتمل ٹی ٹوینٹی سیریز کے چوتھے میچ میں پاکستان نے دلچسپ مقابلے کے بعد انگلینڈ کو 3 رنز سے شکست دی۔ ہدف کے تعاقب میں ایک وقت پر انگلش ٹیم جیت کے بالکل قریب پہنچ گئی تھی، انگلینڈ کو 10 گیندوں پر 5 رنز درکار تھے جبکہ 3 وکٹیں اس کے ہاتھوں میں تھیں۔

تاہم پاکستانی فاسٹ بولر حارث رؤف نے اگلی 2 گیندوں پرسیٹ بیٹر لیام ڈاؤسن کو کیچ اور اولی اسٹون کو شاندار یارکر پر آؤٹ کرکے پاکستان کو جیت کے قریب کیا۔انگلینڈ کو جیت کیلئے آخری اوور میں 4 رنز جبکہ پاکستان کو 1 وکٹ درکار تھی تاہم 20ویں اوور کی دوسری گیند پر شان مسعود نے ٹوپلی کو رن آؤٹ کرکے پاکستان کو 3 رنز سے کامیابی دلوادی۔ انگلینڈ کے خلاف 4 اوورز میں 32 رنز دے کر 3 کھلاڑی آؤٹ کرنے پر حارث رؤف کو مین آف دی میچ کا ایوارڈ دیا گیا۔

مزید :

کھیل -