مریم اورنگزیب کو ہراساں کئے جانے کے معاملے پر وزیر اعظم شہباز شریف بھی میدان میں آگئے 

مریم اورنگزیب کو ہراساں کئے جانے کے معاملے پر وزیر اعظم شہباز شریف بھی میدان ...
مریم اورنگزیب کو ہراساں کئے جانے کے معاملے پر وزیر اعظم شہباز شریف بھی میدان میں آگئے 

  

لندن (ڈیلی پاکستان آن لائن)  وفاقی وزیر اطلاعات  مریم اورنگزیب  کو ہراساں کئے جانے کے معاملے پر وزیر اعظم شہباز شریف بھی میدان میں آگئے اور کہا کہ  مریم اورنگزیب پر فخر ہے ، انہوں نے انتہائی تحمل سے پی ٹی آئی حمایتیوں کی جانب سے ہراساں کرنے کا مقابلہ کیا۔

 سماجی رابطے کی ویب سائٹ ٹویٹر پر   وزیر اعظم نے کہا کہ  اقوام متحدہ  کے اجلاس میں عالمی رہنماؤں اور مختلف عالمی فورمز پر موثر انداز میں ملک کا موقف پیش کیا  جو کہ  شاندار ٹیم ورک کی بدولت ہی  ممکن ہو سکا ، خصوصاً بلاول بھٹو ، شیری رحمان اور مریم اورنگزیب کی انتھک محنت اور تعاون کو سراہتا ہوں ۔ 

شہباز شریف کا کہنا تھا کہ دوسرے ممالک سے خراب ہوئے خارجہ تعلقات میں بہتری کی ضرورت ہے ۔ مریم اورنگزیب  نے ہراساں کرنے اور کرانے والوں کابدنما چہرہ بے نقاب کیا۔

مزید :

اہم خبریں -قومی -