افغان سرزمین پاکستان کیخلاف استعمال ہونے کے وزیراعظم کے بیان پر طالبان کا ردعمل آگیا

افغان سرزمین پاکستان کیخلاف استعمال ہونے کے وزیراعظم کے بیان پر طالبان کا ...
افغان سرزمین پاکستان کیخلاف استعمال ہونے کے وزیراعظم کے بیان پر طالبان کا ردعمل آگیا
سورس: Twitter/@PakPMO/FilePhoto

  

کابل(مانیٹرنگ ڈیسک)وزیراعظم میاں شہباز شریف کی طرف سے اقوام متحدہ میں تقریر کرتے ہوئے افغانستان کی سرزمین دہشت گردوں کی طرف سے پاکستان کے خلاف استعمال کیے جانے کے متعلق اظہار خیال کیا تھا جس پر طالبان کی طرف سے ردعمل سامنے آ گیا ہے۔

ڈیلی پاکستان گلوبل کے مطابق طالبان نے افغانستان کی زمین پاکستان کے خلاف استعمال ہونے کا دعویٰ مسترد کرتے ہوئے کہا ہے کہ ”افغانستان میں اس وقت کوئی دہشت گرد گروپ موجود نہیں ہے۔“

افغان وزارت خارجہ کی طرف سے اس حوالے سے جاری ایک بیان میں کہا گیا ہے کہ ”افغانستان کی سرزمین کسی بھی ملک کے خلاف استعمال کرنے کی اجازت ہر گز نہیں دی جائے گی۔ عالمی برادری کو بلاوجہ تحفظات کا اظہار کرنے اور الزامات عائد کرنے سے گریز کرتے ہوئے مثبت طریقے سے امارت اسلامی کے ساتھ براہ راست بات چیت کرنی چاہیے۔ میڈیا یا پبلک بیانات کے ذریعے تحفظات کا اظہار کرنا کسی طور مناسب نہیں ہے۔ کسی کو اگر افغانستان سے کوئی شکوہ ہے تو براہ راست افغان حکومت کے ساتھ اس کا اظہار کیا جائے۔“

مزید :

بین الاقوامی -