پنجاب حکومت نے متعدد اضلاع کے ڈپٹی کمشنرز تبدیل کر دیئے
لاہور(ڈیلی پاکستان آن لائن)پنجاب حکومت نے متعدد اضلاع کے ڈپٹی کمشنرز تبدیل کر دیئے۔ ایڈیشنل سیکرٹری محکمہ داخلہ پنجاب رضوان حیدر کا تبادلہ کر کے انہیں ڈپٹی کمشنر ملتان تعینات کردیا گیا۔ ڈپٹی کمشنر سیالکوٹ عدنان محمود کو تبدیل کرکےان کی خدمات ایوان وزیر اعلیٰ کے سپردکر دی گئیں۔اے ڈی جی جنرل ہاوسنگ شاہ میر اقبال کو تبدیل کرکے ڈپٹی کمشنر سیالکوٹ تعینات کر دیا گیا۔ایڈیشنل سیکرٹری لٹریسی عثمان علی کو تبدیل کرکے ڈپٹی کمشنر مظفر گڑھ تعینات کر دیا گیا۔ڈپٹی کمشنر شیخوپورہ سرمد تیمور کو تبدیل کرکے ایس اینڈ جی اے ڈی رپورٹ کرنے کی ہدایت کی گئی ہے۔تعیناتی کے منتظر وقار علی کو تبدیل کرکے ڈپٹی کمشنر شیخوپورہ تعینات کر دیا گیا۔ایڈیشنل سیکرٹری سکول ایجوکیشن ڈیپارٹمنٹ ظہیر عباس کو تبدیل کرکے ڈی سی مری تعینات کر دیا گیا۔اے ڈی جی ایل ڈی اے منور عباس کو تبدیل کرکے ڈپٹی کمشنر کوٹ ادو تعینات کر دیا گیا۔تعیناتی کے منتظر محمد ارشد کو ڈپٹی کمشنر ننکانہ صاحب تعینات کر دیا گیا۔محکمہ سروسز اینڈ جنرل ایڈمنسٹریشن نے نوٹیفکیشن جاری کردیا۔
