اسلام آباد (مانیٹرنگ ڈیسک) وزیراعلیٰ بلوچستان سرفراز بگٹی نے کہا ہے کہ دہشتگرد نہتے شہریوں کو نشانہ بنا رہے ہیں، ریاست کی رٹ کو کسی صورت چیلنج نہیں ہونے دیں گے۔وفاقی دار الحکومت میں پریس کانفرنس کرتے ہوئے وزیراعلیٰ نے کہا کہ دہشتگردوں کو کسی صورت رعایت نہیں دی جائیگی،، سکیورٹی فورسز نے متعدد کارروائیوں کو بروقت ناکام بنایا، گزشتہ روز فورسز نے دہشتگردوں کیخلاف چاغی میں اہم کارروائی کی، کئی آپریشن میں مارے گئے، دہشتگرد جہانزیب نے ہتھیارڈال دیئے اس نے ویڈیو بیان میں دالبندین میں ہتھیاراور دیگر مواد سپلائی کرنے سمیت مختلف کارروائیوں کا اعتراف کیا، دہشتگرد اہم تنصیبات کو نشانہ بنانا چاہتے تھے،، دہشت گردوں کیخلاف سخت ترین فضائی اور زمینی آپریشن ضروری ہے، آپریشن کے دوران ایک جوان زخمی ہوا، جلد صحت یابی کیلئے دعاگو ہیں۔انہوں نے کہا ہائی ویلیو ٹارگٹ کو پکڑنا فورسز کی اہم کامیابی ہے، افغان حکومت اپنی سرزمین دہشت گردی کیلئے استعمال نہ ہونے دے، انتہا پسند نوجوانوں کو ورغلانے کی کوشش کر رہے ہیں، کسی کو بلوچستان کا امن متاثر نہیں کرنے دیں گے، دہشت گردوں کی کمیونیکیشن کو روکنا ضروری ہے، فورجی سروس بند کرنے پر حکومت پر بڑی تنقید ہوئی، انٹرنیٹ سروس بند کرنے کا مقصد دہشت گردی کو کنٹرول کرنا تھا۔ انکا کہنا تھا بھارتی ایجنسی ’را‘ پاکستان میں دہشتگردی میں ملوث ہے، پہلے دن سے کہہ رہا ہوں کہ یہ ’را‘ بیسڈ، ’را‘ فنڈڈ جنگ ہے، یہ ’را‘ کی پاکستان پر مسلط کردہ جنگ ہے،دہشت گردوں کو ریاست مخالف بیانیہ بنانے میں کامیاب نہیں ہونے دیں گے، فتنہ الہندوستان کے دہشتگرد بلوچستان میں کارروائیوں میں ملوث ہیں، لاپتا افراد سے متعلق ماہ رنگ بلوچ پروپیگنڈا کر رہی ہے۔
سرفراز بگٹی