پی آئی اے کے 3 فضائی میزبانوں میں کرونا وائرس کی تصدیق

پی آئی اے کے 3 فضائی میزبانوں میں کرونا وائرس کی تصدیق
پی آئی اے کے 3 فضائی میزبانوں میں کرونا وائرس کی تصدیق

  

کراچی(ڈیلی پاکستان آن لائن) قومی ایئر لائن (پی آئی اے) کے مزید 3 فضائی میزبانوں میں کرونا وائرس کی تصدیق ہو گئی ہے۔

نجی ٹی وی اے آر وائی نیوز کے مطابق کرونا وائرس سے متاثرہ فضائی میزبانوں میں ایک کا تعلق پشاور اور 2 کا لاہور سے ہے، تینوں فضائی میزبان لاہور سے پی آئی اے ریلیف پرواز پر مانچسٹر گئے تھے۔

تینوں فضائی میزبانوں کو برطانوی شہر مانچسٹر سے واپسی پر اسلام آباد میں 2 روز سے مقامی ہوٹل میں آئسولیٹ کر دیا گیا تھا، اس دوران ان کے کرونا کے ٹیسٹ کیے گئے جن کا نتیجہ مثبت آ گیا۔

ترجمان پی آئی اے کا کہنا تھا کہ اتوار کی شب تینوں فضائی میزبانوں میں وائرس کی تصدیق ہوئی، کرونا کے شکار فضائی میزبانوں کو علاج کےلئے ہسپتال منتقل کر دیا گیا ہے۔

مزید :

اہم خبریں -قومی -علاقائی -سندھ -کراچی -کورونا وائرس -