اے آروائے کے اسلام آباد دفتر میں 20 کارکنان کا کورونا ٹیسٹ ، کتنے لوگوں کا نتیجہ پازیٹو آیا؟دفتر ہی بند کرنا پڑ گیا

اے آروائے کے اسلام آباد دفتر میں 20 کارکنان کا کورونا ٹیسٹ ، کتنے لوگوں کا ...
اے آروائے کے اسلام آباد دفتر میں 20 کارکنان کا کورونا ٹیسٹ ، کتنے لوگوں کا نتیجہ پازیٹو آیا؟دفتر ہی بند کرنا پڑ گیا

  

اسلام آ باد (ڈیلی پاکستان آن لائن ) کورونا وائرس نے اس وقت پاکستان سمیت پوری دنیا کو لپیٹ میں لے رکھاہے اور پاکستان میں کیسز کی تعداد 13 ہزار سے تجاوز کر گئی ہے تاہم اب یہ خبر موصول ہو ئی ہے کہ نجی ٹی وی چینل کے دفتر میں بھی کورونا وائرس سے متاثر 8 افراد کے ٹیسٹ مثبت آ گئے ہیں ۔

تفصیلات کے مطابق نجی ٹی وی اے آر وائے نیوز کے مالک ” سلمان اقبال “ نے ٹویٹر پر پیغام جاری کرتے ہوئے کہا کہ ” احتیاطی تدابیر کو اختیار کرتے ہوئے اے آر وائے اسلام آباد آفس میں رینڈم کورونا ٹیسٹ کروایا گیا ہے ، 20 افراد میں سے 8 کا ٹیسٹ مثبت آ گیاہے ، دو افراد میں علامات ظاہر ہوئی ہیں ،ہم نے اپنا اسلام آباد آفس بند کر دیاہے ، تمام سٹاف کا ٹیسٹ کروایا جائے گا اور دفتر کو سینٹائز کیا جائے گا ،جب تک تمام افراد کے ٹیسٹ نہیں ہو جاتے اس وقت تک تمام افرادکو گھروں میں رہنے کی ہدایت کی گئی ہے ۔“

سلمان اقبال کے ٹویٹ پر صحافی صابر شاکر میدان میں آئے اور انہوں نے چینل کے دفتر میں سمانے آنے والے کورونا کیسز کی تفصیلات فراہم کرتے ہوئے کہا کہ متاثرہ سٹاف میں تین لوگ فیصل ایدھی کے گھر ریکارڈنگ کیلئے گئے تھے جبکہ تین لوگ قریبی مسجد جو کہ سیل کر دی گئی ہے ، میں جاتے تھے ، متاثرہ لوگوں میں زیادہ ترفیلڈ کے لوگ ہیں ، باقی سٹاف کے ٹیسٹ کیلئے متعلقہ آفیشلز سے رابطے میں ہیں ، اللہ رحم فرمائے اور سب پر اپنا کرم کرے ۔“

مزید :

قومی -