کورونا سے متاثرہ خاتون کے بچے کو ماں کا دودھ عطیہ کرنے کیلئے مائیں میدان میں آگئیں، کتنے لیٹر دودھ جمع ہوگیا؟ انتہائی جذباتی خبر

کورونا سے متاثرہ خاتون کے بچے کو ماں کا دودھ عطیہ کرنے کیلئے مائیں میدان میں ...
کورونا سے متاثرہ خاتون کے بچے کو ماں کا دودھ عطیہ کرنے کیلئے مائیں میدان میں آگئیں، کتنے لیٹر دودھ جمع ہوگیا؟ انتہائی جذباتی خبر

  

ہانگ کانگ(ڈیلی پاکستان آن لائن)ہانگ کانگ میں کورونا وائرس سے متاثرہ خاتون نے اپنی شیر خوار بچی کیلئے دودھ کے عطیے کی اپیل کی تو درجنوں خواتین نے اپنا دودھ عطیہ کرنے کیلئے خدمات پیش کردیں اور پندرہ لیٹر دودھ جمع کرلیا۔

تفصیلات کے مطابق ہانگ کانگ میں ایک اکیس سالہ خاتون کورونا وائرس کا شکار ہوئی ہیں جس کے بعد انہیں قرنطینہ کردیا گیا ہے۔ تاہم ان کے قرنطینہ میں جانے سے ایک مسئلہ پیدا ہوگیا کہ ان کی ایک شیرخوار بچی بھی ہے جسے فارمولا دودھ سے الرجی ہے اور انہیں ہر صورت ماں کا دودھ ہی دیا جانا ہوتا ہے۔

اس صورتحال پر اس خاتون نے شہر کی ماوں سے اپنا دودھ عطیہ کرنے کی اپیل کی جس پر خواتین نے لبیک کہا اور شہر بھر سے مائیں اپنا دودھ فریز کرکے بھیجنے لگیں۔ خواتین اپن گاڑیوں اور دیگر سواریوں کے ذریعے اس گھر پہنچیں اور انہیں حوصلہ دیا۔

صرف یہی نہیں اوٹاوا میں بھی خواتین کی جانب سے کورونا سے متاثرہ ماوں کے بچوں کیلئے خواتین کی بڑی تعداد نے رضاکارانہ اپنا دودھ عطیہ کیا۔

جو وہاں نہیں پہنچا سکتی تھیں ان کے لیے ایک شخص نے رضاکارانہ طور پر اپنی خدمات پیش کیں اور اپنی موٹرسائیکل پرفریز دودھ کے پیکٹ جمع کیے اور اس گھر کی دہلیز تک پہنچا دیے۔

فرانسیسی خبرایجنسی کی رپورٹ کے مطابق دودھ عطیہ کرنے والی ماوں اور اسے جمع کرنے اور وصول کرنے والوں کے چہروں پر انتہائی جذباتیات کے تاثرات دیکھنے کو ملے۔

مزید :

ڈیلی بائیٹس -کورونا وائرس -