پاکستان کتنے مہینے تک کورونا کے ٹیسٹ کرسکتا ہے؟ ٹیسٹنگ کٹس کے بارے میں ایسا انکشاف کہ آپ کو بھی خوشی ہوگی

پاکستان کتنے مہینے تک کورونا کے ٹیسٹ کرسکتا ہے؟ ٹیسٹنگ کٹس کے بارے میں ایسا ...
پاکستان کتنے مہینے تک کورونا کے ٹیسٹ کرسکتا ہے؟ ٹیسٹنگ کٹس کے بارے میں ایسا انکشاف کہ آپ کو بھی خوشی ہوگی

  

اسلام آباد (ڈیلی پاکستان آن لائن) حکومتی ترجمان ڈاکٹر شہباز گل نے انکشاف کیا ہے کہ پاکستان کے پاس اتنی ٹیسٹنگ کٹس موجود ہیں کہ اگلے 2 سے 3 ماہ تک کورونا وائرس کے ٹیسٹ کرسکتا ہے۔

ٹوئٹر پر اپنے پیغام میں شہباز گل نے بتایا " اللہ کا شِکر ہے اس وقت پاکستان میں 18 لاکھ سے زیادہ ٹیسٹنگ کٹس موجود ہیں۔ جو کہ اگلے دو سے تین ماہ کیلئے کافی ہیں۔"

انہوں نے یہ بھی بتایا کہ چیئرمین این ڈی ایم اے لیفٹیننٹ جنرل محمد افضل نے وزیر اعظم کو کورونا کے حوالے سے بریفنگ دی ہے۔ بریفنگ کے دوران وزیر اعظم کو کورونا کے خلاف حفاظتی سامان کی خریداری اور دستیاب سامان کے حوالے سے بتایا گیا۔ چیئرمین این ڈی ایم اے نے بریفنگ کے دوران بتایا کہ  پورے ملک میں جتنا بھی آئی سی یو سٹاف ہے اس سے دوگنی تعداد کے لیے  پی پی ای کٹس ملک میں موجود ہیں۔

مزید :

قومی -